სურსათის უვნებლობის რისკის შეფასების გამოწვევებზე საერთაშორისო შეხვედრა გაიმართა

სოფლის მეურნეობის სამეცნიერო-კვლევითი ცენტრის და ევროპის სურსათის უვნებლობის უზენაესი ორგანოს (EFSA) ორგანიზებით, აღმოსავლეთ ევროპის სამეზობლო პოლიტიკის ქვეყნებისთვის, სურსათის უვნებლობის რისკის შეფასების გამოწვევებზე სამუშაო შეხვედრა გაიმართა.

როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, მონაწილეებმა სურსათის უვნებლობის რისკის შეფასების კუთხით არსებულ სიტუაციასა და მათ მიერ განხორციელებულ პროექტებზე ისაუბრეს. სოფლის მეურნეობის სამეცნიერო-კვლევითი ცენტრის რისკის შეფასების სამსახურმა საქართველოში არსებული რისკის შეფასების კრიტიკული გამოწვევები და ამ გამოწვევების გადაჭრის მოკლე და გრძელვადიანი გეგმები წარადგინა.

„ჩვენი ცენტრი უკვე მრავალი წელია მჭიდროდ თანამშრომლობს EFSA-სთან, გერმანიის რისკის შეფასების ფედერალურ ინსტიტუტთან და დასავლეთის სხვა საერთაშორისო ინსტიტუციებთან, რაც საქართველოში სურსათის უვნებლობის რისკის შეფასების განვითარებას მნიშვნელოვნად უწყობს ხელს. ჩვენ გადავედით ახალ ეტაპზე - ევროპული სტანდარტების რისკის შეფასების კვლევების შემუშავების მცდელობისკენ, რაც, ცხადია, გამოწვევებთან არის დაკავშირებული. მოხარული ვარ, რომ დღევანდელი სამუშაო შეხვედრა საშუალებას მოგვცემს ზუსტად ამ მიმართულებით განვავითაროთ ჩვენი ორიენტირი“, - აღნიშნა სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ.

უწყების ცნობით, სამუშაო შეხვედრას გარემოს დაცვისა და სოფლის მეურნეობის მინისტრის მოადგილე სოლომონ პავლიაშვილი, ასოციაციების, სახელმწიფო და საერთაშორისო ორგანიზაციების წარმომადგენლები ესწრებოდნენ.

„ონლაინ შეხვედრაში მონაწილეობდნენ ჯანმრთელობის მსოფლიო ორგანიზაციის, EFSA-ს, ევროკომისიის ორგანოების (DG-SANTE, DG-NEAR), გერმანიის რისკის შეფასების ფედერალური ინსტიტუტის და აღმოსავლეთ ევროპის სამეზობლო პოლიტიკის ქვეყნების რისკის შეფასების სტრუქტურების წარმომადგენლები.

აღსანიშნავია, რომ სურსათის უვნებლობის სფეროში რისკის ანალიზის და შეფასების პრინციპების განხორციელება საქართველოს ორი საერთაშორისო ხელშეკრულებით მსოფლიო სავაჭრო ორგანიზაციის (WTO) SPS და ევროკავშირთან ასოცირების შეთანხმებებით ეკისრება“,-ნათქვამია გავრცელებულ ინფორმაციაში.

ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
“ნიუმედის”ლაბორატორიული განყოფილების ხელმძღვანელი - ჩვენ კლინიკაში ახალ ბენეფიციარებს კოვიდ 19-ის სწრაფი ტესტი უფასოდ უტარდებათ
ქართული პრესის მიმოხილვა 25.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
რატომ არის მნიშვნელოვანი ცემენტის ხარისხის კონტროლი სეისმურად აქტიურ ზონაში
"სილქ როუდ ჯგუფის" განცხადება "საქანელას" პროექტის შესახებ