ჯანდაცვის მინისტრის, ეკატერინე ტიკარაძის განცხადებთ, ახალ პორტალი, მოქალაქეებს საშუალებას მისცემს მოიძიონ ოჯახის ექიმი, ასევე პირადი ნომრის მითითებით მიიღონ ინფორმაცია რომელი პირველადი ჯანდაცვის ცენტრზე არიან მიმაგრებულები.

როგორც ეკატერინე ტიკარაძემ საკოორდინაციო საბჭოს სხდომის დასრულებისას განაცხადა, ახალი პორტალის შექმნა, „მნიშვნელოვნად განტვირთავს 122-ში მიმართულ ზარებს“

„დავიწყებ სიახლით, რომელიც ეხება ახალ პორტალს, რომელიც ჩვენ თანამოქალაქეებს მისცემს საშუალებას მოძებნონ თავისი ოჯახის ექიმი, იმ შემთხვევაში თუ მათთვის არ არის ცნობილი რომელ პოლიკლინიკულ ერთეულზე ან ოჯახის ექიმზე არიან მიბმულები.

ამ პორტალის საშუალებით მოქალაქეებს პირადი ნომრის მითითებით მიეცემა ინფორმაცია, რომელ პირველადი ჯანდაცვის ცენტრზე არიან მიმაგრებულები, ასევე მიეცემა ინფორმაცია საკუთარი ოჯახის ექიმის სახელის და გვარის. აქვე მითითებული იქნება პირველადი ჯანდაცვის ცენტრის ტელეფონის ნომერი, შესაბამისად მათ შეეძლებათ გაიარონ კონსულტაცია უშუალოდ საკუთარ ოჯახის ექიმთან.

ეს ყველაფერი შევიმუშავეთ იქიდან გამომდინარე, რომ მნიშვნელოვანია სამედიცინო მომსახურების ხარისხის გამოსწორება და უზრუნველყოფა. ჩვენი გეგმაა მომსახურების გაფართოება. ეს მნიშვნელოვნად განტვირთავს 122-ში მიმართულ ზარებს“,-განაცხადა ეკატერინე ტიკარაძემ.