„ნაციონალური მოძრაობის“ წარმომადგენელი - შევეცდებით, ყველა იმ შესასვლელში, რომლითაც თორნიკე რიჟვაძე სარგებლობს, დადგეს ადამიანების ჯგუფი და გავაგონოთ ხმა

ყველა კანონიერ გზას გამოვიყენებთ იმისთვის, რომ როგორმე ამ შენობაში შემძვრალ მშიშარა კურდღელს, თორნიკე რიჟვაძეს მივუტანოთ მოსახლეობის პრობლემა, - ამის შესახებ აჭარის ავტონომიური რესპუბლიკის უმაღლესი საბჭოს დეპუტატმა „ნაციონალური მოძრაობიდან“ ელგუჯა ბაგრატიონმა „ინტერპრესნიუსს“ განუცხადა.

როგორც ბაგრატიონი აცხადებს, აქციის მონაწილეებს მთავრობის სახლში შეჭრის მცდელობა არ ჰქონიათ და ის რიჟვაძესთან შესახვედრად მარტო აპირებდა შესვლას.

რაც შეეხება აჭარის მთავრობის სახლის უკანა მხარეს განვითარებულ მოვლენებს, როგორც ბაგრატიონმა განმარტა, უკანა შესასვლელთან მდებარე კორპუსში თავად ცხოვრობს და მასთან დასასვენებლად აქციის რამდენიმე მონაწილე მიჰყავდა.

ბაგრატიონის ინფორმაციით, დაპირისპირებისას ორი ადამიანი დააკავეს, რამდენიმე კი დაშავდა.

„ჯერჯერობით ყველა კანონიერ გზას გამოვიყენებთ იმისთვის, რომ როგორმე ამ შენობაში შემძვრალ მშიშარა კურდღელს თორნიკე რიჟვაძეს მივუტანოთ მოსახლეობის პრობლემა. თუკი ვერ გავაგონებთ, შევეცდებით, რომ ყველა იმ შესასვლელში, საიდანაც სარგებლობს ეს ადამიანი, დადგეს ადამიანების ჯგუფი და გავაგონოთ ხმა.

უმაღლესი საბჭოს დეპუტატებს არ გვიშვებენ შენობაში. თუ ერთ ადამიანს, ელგუჯა ბაგრატიონს შემიძლია მთავრობის სახლის ბლოკირება, მაშინ ბიძინა ივანიშვილი გადმოგდებული მეყოლებოდა ამდენხანს შუშის სასახლიდან“, - განაცხადა ბაგრატიონმა და დასძინა, რომ „აქ მიმდინარე მოვლენები მარტივადაა, 31 ოქტომბერს ბიძინა ივანიშვილმა დაგვახია თავზე კონსტიტუცია“.

მისივე ინფორმაციით, არა მარტო აჭარის სამართალდამცავი სტრუქტურები, პოლიციელები თორნიკე რიჟვაძეს გურიიდანაც ჰყავს ჩამოყვანილი.

„როგორც ჩანს ბიძინა ივანიშვილს მოსწყინდა პროტესტი, აქამდე ფიქრობდა, რომ დაგვღლიდა და დავიშლებოდით. ხედავს, რომ კარგავს ხელისუფლებას და დღეს დარბევა დაიწყო, მაგრამ ცდება, ერთს დააკავებს, ორს, ხუთს, მაგრამ მთელ საქართველოს ვერ დააკავებს“, - განაცხადა ბაგრატიონმა „ინტერპრესნიუსთან“ საუბრისას.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი