პარლამენტი თვითონ ერთპარტიული არ გახლავთ, სხდომები წარიმართება ერთპარტიულად,- ამის შესახებ „ქართული ოცნების“ დეპუტატმა მიხეილ სარჯველაძემ ჟურნალისტებთან განაცხადა.

თუმცა, როგორც სარჯველაძე აღნიშნავს, იმედი აქვს, რომ ეს ვითარება მალე შეიცვლება.

„არ არის კარგი, ჩემთვის კი არა ქვეყნისთვის, რომ ერთპარტიულად წარიმართება აქ სხდომები, პარლამენტი თვითონ ერთპარტიული არ გახლავთ, სხდომები წარიმართება ერთპარტიულად, სამწუხაროდ, თუმცა, იმედი მაქვს, რომ ეს გამოსწორდება“, - განაცხადა სარჯველაძემ.

მან ასევე ისაუბრა საგამოძიებო კომისიის თაობაზეც და აღნიშნა, რომ ოპოზიციას ჭეშმარიტების დადგენა არ აინტერესებს.

„შეთავაზება, რომელიც გაკეთდა სწორად წარმოაჩენს რეალურად არსებულ მდგომარეობას და აქედან გამომდინარე, ძალიან მნიშვნელოვანი დასკვნების გაკეთების შესაძლებლობას იძლევა. ძირითადი შეთავაზება იყო, დადგინდეს ჭეშმარიტება ფაქტის დონეზე, არჩევნების მართლზომიერად ჩატარებასთან დაკავშირებით,"- განაცხადა სარჯველაძემ.