ხათუნა სამნიძე - ირაკლი ჩავლეიშვილისგან ასეთი გადაწყვეტილება ძალიან გამიკვირდა, ის არ წარმოადგენს "რესპუბლიკურ პარტიას" აჭარის უმაღლეს საბჭოში
"რესპუბლიკური პარტიის" თავმჯდომარის ხათუნა სამნიძის განცხადებით, ირაკლი ჩავლეიშვილის გადაწყვეტილება უმაღალეს საბჭოში შესვლის თაობაზე პარტიის გადაწყვეტილებას ეწინააღმდეგება, ამიტომ ჩავლეიშვილმა პარტია დატოვა და ის "რესპუბლიკურ პარტიას"აღარ წარმოადგენს.
როგორც მან ჟურბალისტებს განუცხადა, არ აქვს მოლოდინი რომ მსგავს გადაწყვეტილებას სხვა პირებიც მიიღებენ და აცხადებს, რომ ჩავლეიშვილის გადაწყვეტილება მისთვის გასაკვირი იყო.
"ირაკლი ჩავლეიშვილი არის დიდი ხნის პარტიის წევრი აჭარის ორგანიზაციაში, სამწუხაროდ, მან მიიღო გადაწყვეტილება და გააკეთა ამის თაობაზე განცხადება, რომ შევიდეს უმაღლეს საბჭოში. როგორც იცით, რესპუბლიკური პარტიის გადაწყვეტილებით არც ერთი რესპუბლიკური მანდატი არ იქნება საკანონმდებლო ორგანოში.მისი გადაწყვეტილება ეწინააღმდეგება პარტიის გადაწყვეტილებას, ამიტომ მან დატოვა პარტია და ის არ წარმოადგენს რესპუბლიკურ პარტიას უმაღლეს საბჭოში. ძალიან გამიკვირდა ირაკლი ჩავლეიშვილისგან ასეთი გადაწყვეტილება, ერთადერთი ადამიანია ამ ეტაპზე, რომელმაც ასეთი გადაწყვეტილება მიიღო და ის არ წარმოადგენს რესპუბლიკურ პარტიას უმაღლეს საბჭოში,"- განაცხადა სამნიძემ.
v-if="article.gallery" v-html="article.gallery"
