საქართველოს პარლამენტის თავმჯდომარე, არჩილ თალაკვაძე მედიატორთა ასოციაციის თავმჯდომარეს, ირაკლი ყანდაშვილს შეხვდა.

პარლამენტის პრესსამსახურის ცნობით, შეხვედრაზე მედიაციის, როგორც დავის გადაწყვეტის და შეთანხმების ალტერნატიული მექანიზმის დანერგვის მნიშვნელობაზე ისაუბრეს.

„აღინიშნა, რომ მედიაციის ინსტიტუტის შემოღება, ჩვენი ხელისუფლების მიერ, ევროკავშირთან ასოცირების ხელშეკრულების ფარგლებში მოხდა.

არჩილ თალაკვაძის განცხადებით, საქართველოს პარლამენტი მზად არის, მედიატორთა პროფესიის შემდგომი განვითარების მიზნით აქტიურად ითანამშრომლოს ასოციაციასთან“ ,- ნათქვამია ინფორმაციაში.