დედამიწაზე მთვარიდან დაბრუნებული ჩინური კოსმოსური ზონდის Chang'e-5-ის კაფსულა პეკინში ჩაიტანეს

დედამიწაზე მთვარიდან დაბრუნებული ჩინური კოსმოსური ზონდის Chang'e-5-ის კაფსულა პეკინში ჩაიტანეს. Chang'e-5-ის კაფსულა პეკინში ვერტმფრენით ჩაიტანეს.

შემდგომ ეტაპზე ჩამოტანილი მასალის ნიმუშებს მეცნიერები შეისწავლიან. მანამდე საფრენი აპარატი შიდა მონღოლეთის ავტონომიური რეგიონის ტერიტორიაზე დაეშვა, რომელიც ჩინეთის ნაწილია.

კოსმოსური ზონდი რაკეტა Long March-5-ის დახმარებით ხაინანის პროვინციიდან რამდენიმე კვირის წინ გაუშვეს.

ჩინურმა უპილოტო საფრენმა აპარატმა პირველად ბოლო 40 წლის მანძილზე მთვარის გრუნტი დედამიწაზე ჩამოიტანა. ბოლოს მთვარის ზედაპირიდან ქანის ნიმუშები საბჭოთა კავშირის მისიის ფარგლებში 1976 წელს ჩამოიტანეს დედამიწაზე.