პრემიერი - შეიძლება უკმაყოფილო ვიყოთ და მეტი გვინდოდეს, მაგრამ ეს იმას არ ნიშნავს, რომ მიღწევები, რაც უამრავი ადამიანის შრომის შედეგია, მათ შორის, ოპოზიციის, არ უნდა იყოს დაფასებული

ვენ შეიძლება უკმაყოფილო ვიყოთ და გვინდოდეს კიდევ მეტი, მაგრამ ეს იმას არ ნიშნავს, რომ ის მიღწევები, რომლებიც უამრავი ადამიანის შრომის შედეგია, მათ შორის, ოპოზიციის, არ უნდა იყოს დაფასებული ,- ამის შესახებ პრემიერ-მინისტრმა გიორგი გახარიამ ჟურნალისტებთან განაცხადა.

როგორც მან აღნიშნა, შედეგები, რომელსაც ქვეყანამ დემოკრატიზაციის მიმართულებით მიაღწია, არ არის რომელიმე პარტიის დამსახურება, არამედ არის წლების შრომის შედეგი.

„საქართველოში ჩატარებული არჩევნები ძირითადად ჩაითვალა და შეფასდა დემოკრატიულ არჩევნებად, რაც შეეხება სხვა ნაწილს - საინვესტიციო გარემოს მიმართულებით ქვეყანა არის პირველ ხუთეულში თუ არა ათეულში და ბევრ ევროპულ ქვეყანას უსწრებს საინვესტიციო გარემოს თვალსაზრისით, აღარ გავაგრძელებ სხვა საერთაშორისო შეფასებებს და რეიტინგებს. მე მესმის, რომ ჩვენ შეიძლება უკმაყოფილო ვიყოთ და გვინდოდეს კიდევ მეტი, რა თქმა უნდა, ეს ხშირ შემთხვევაში გასაგებია და მისასალმებელია, მაგრამ ეს იმას არ ნიშნავს, რომ რაც არსებობს ის მიღწევები, რომლებიც უამრავი ადამიანის და წლების შრომის შედეგია, მათ შორის, ოპოზიციის, არ უნდა იყოს დაფასებული ან უნდა იყოს დისკრედიტირებული. ქვეყანაზეა საუბარი - ეს ხომ არ არის „ქართული ოცნების“ მიღწევა, ქვეყნის მიღწევაა და ვერასოდეს ვერავინ, ვერც ერთი პოლიტიკური ძალა ვერ შეძლებს, რომ ქვეყნის დემოკრატიზაციის პროცესი იყოს მხოლოდ მასთან დაკავშირებული, ეს ქვეყნის დემოკრატიზაციის პროცესია, რომლის ბუნებრივი ნაწილია ხელისუფლებაც, ოპოზიციაც, სხვათა შორის ოპოზიციაც ხელისუფლების ნაწილია, სამოქალაქო საზოგადოებაც,“- განაცხადა გახარიამ.