ანრი ოხანაშვილი - ამნისტიის აქტი შეეხება ინდივიდუალურად განუსაზღვრელ პირებს - საუბარი კონკრეტულ პირებზე წმინდა წყლის სპეკულაციაა

პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, ამნისტიასთან დაკავშირებით კონკრეტულ პირებზე საუბარი სპეკულაციაა. როფორც ოხანაშვილმა ჟურნალისტებს განუცხადა, ამნისტია შეწყალების აქტისგან განსხვავებით შეეხება არ კონკრეტულ პირებს, არამედ “ინდივიდუალურად განუსაზღვრელ პირებს”.

მისი თქმით, ამნისტიის ისეთი აქტი უნდა მიიღონ, რომ კითხვის ნიშნები არ გაჩნდეს.

“ზოგადად, ამნისტია - ეს არის ჰუმანური აქტი, რომელიც, პირველ რიგში, შეეხებათ კონკრეტულ პირებს, ეს იქნება ბრალდებულები თუ მსჯავრდებულები, თუმცა ამნისტიის აქტი თავისი შინაარსით შეეხება სრულიად საზოგადოებას, რადგან აქ უნდა იყოს ჩართული ფართო წარმომადგენლობა და ჩვენ უზრუნველვყავით ის და შევთავაზეთ კომიტეტზე დასწრება როგორც სახალხო დამცველის ოფისს, არასამთავრობო ორგანიზაციებს, ადვოკატთა ასოციაციებს, დაინტერესებულ პირებს, რადგან ამნისტიის აქტი შეეხება ყველას, ვინაიდან ძალიან მნიშვნელოვანია ბალანსი ერთი მხრივ ადამიანის უფლებების გაუმჯობესაბასა და ადამიანებისთვის შეღავათის გაწევას და მეორე მხრივ, საზოგადოების უსაფრთხოებას შორის. ასე, რომ საზოგადოების უსაფრთხოება გვეხება ყველას და დაცულობის განცდა რომ გვქონდეს ყველას, ისეთი ამნისტია უნდა მივიღოთ, რომელიც არავის კითხვის ნიშნებს არ გაუჩენს კონკრეტულ საკითხთან დაკავშირებით. ამნისტიის აქტი შეეხება ინდივიდუალურად განუსაზღვრელ პირებს, განსხვავებით შეწყალების აქტისგან. აქაც უნდა გავმიჯნოთ და საუბარი კონკრეტულ პირებზე წმინდა წყლის სპეკულაციაა, რადგან სამართლებრივად ეს არის ამნისტია, იურიდიულად - ეს არის ინდივიდუალურად განუსაზღვრელი პირების მიმართ კონკრეტულ მუხლებზე. რაც შეეხება მუხლებთან დაკავშირებით შესაძლო ცვლილებებს, იმისთვის გვაქვს პირველი, მეორე და მესამე მოსმენა, რომ ვიმსჯელოთ, თუ არის რაიმე ლოგიკა და შესაძლებელია სისხლის სამართლის პოლიტიკის თვალსაზრისით ვიმსჯელოთ მუხლების შესაძლო გადახედვაზე, ჩვენ ამისთვის მზად ვართ. მოვუსმენთ ყველა დაინტერესებულ მხარეს და შესაძლოა ასეთი ცვლილები განხორციელდეს”,- განაცხადა ოხანაშვილმა.

ცნობისთვის, პარლამენტის იურიდიულ საკითხთა კომიტეტში “ამნისტიის შესახებ“ კანონპროექტს განიხილავენ. არ არის გამორიცხული ადამიანის უფლებათა დაცვის კომიტეტის თავმჯდომარის მიერ მომზადებული ინიციატივა სესიაზე, პირველი მოსმენით, დღესვე გავიდეს, თუმცა ამაზე გადაწყვეტილება ბიურომ უნდა მიიღოს. სავარაუდოდ, სწორედ დღევანდელი განხილვების პროცესში დაზუსტდება, როგორ შეიძლება გაფართოვდეს დაგეგმილი ამნისტია და “სისხლის სამართლის კოდექსის“ კიდევ რომელ მუხლებს შეიძლება შეეხოს ის.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო