სოფიო ქაცარავას განცხადებით, საქართველოს ყველა მოქალაქისთვის, ვინც ახლა დიდ ბრიტანეთში იმყოფება, სამედიცინო მომსახურება ხელმისაწვდომია

დიდ ბრიტანეთში საქართველოს ელჩის, სოფიო ქაცარავას განცხადებით, საქართველოს ყველა მოქალაქისთვის, ვინც ახლა დიდ ბრიტანეთში იმყოფება, სამედიცინო მომსახურება ხელმისაწვდომია.

როგორც ქაცარავამ „პალიტრანიუსის“ გადაცემა „პოლიტნიუსში“ განაცხადა, მომსახურების გაწევისას დიფერენციაცია არ ხდება.

„აბსოლუტურად ყველასთვის არის ხელმისაწვდომი, როგორც საქართველოს, ასევე სხვა ქვეყნების მოქალაქეებისთვის სამედიცინო მომსახურება. აქ ასეთი დიფერენციაცია ნამდვილად არ ხდება. ნამდვილად არ არის ასეთი პრობლემა“, - აღნიშნა ქაცარავამ.

რაც შეეხება კორონავირუსის საწინააღმდეგო ვაქცინაციას, როგორც ქაცარავამ განმარტა, ჯერ გადაწვეტილი არ არის ხელმისაწვდომი იქნება თუ არა საქართველოს მოქალაქეებისთვის დიდ ბრიტანეთში კოვიდ-19-ის ვაქცინა.

„ასეთი რამ ჯერ დადგენილი არ არის“, - აღნიშნა ქაცარავამ.

ელჩის თქმით, მუდმივ კონტაქტზე იმყოფებიან საქართველოს მოქალაქეებთან და მათთვის ონლაინკონსულტაციის ცხელი ხაზი 24-საათის განმავლობაში მოქმედებს.

„ჩვენი მოქალაქეების დახმარება პანდემიის დაწყების პირველივე დღიდან ჩვენი პრიორიტეტი იყო. თავდაპირველად ერთ-ერთი მთავარი მოთხოვნა და სურვილი საქართველოში დაბრუნება იყო, საუბარი მაქვს პირველი ტალღის პერიოდში და ლონდონიდან საქართველოში ორი ფრენა განვახორციელეთ. სამედიცინო კონსულტაციაც აქტუალური იყო და ფინანსური დახმარებაც მათთვის, ვისაც ეს სჭირდებოდა. არსებული ეპიდემიოლოგიური მდგომარეობიდან გამომდინარე, მოვუწოდეთ ჩვენს მოქალაქეებს მინიმალურად გადაადგილდნენ. ნებისმიერი სახის კონსულტაცია ონლაინ რეჟიმში გვაქვს. ასევე მუდმივად ვდებთ განახლებულ ინფორმაციას „ფეისბუქზე“, თუ რა მდგომარეობაა დიდ ბრიტანეთში. თუ არის გამოუვალი მდგომარეობა და მოსასვლელები არიან საკონსულოში ჩვენი მოქალაქეები, ესეც, რა თქმა უნდა, შესაძლებელია. კონტაქტი გვაქვს ინტენსიური ჩვენს მოქალაქეებთან, მოქმედებს ცხელი ხაზი 24 საათის განმავლობაში და მზად ვართ ნებისმიერი სახის კონსულტაციისთვის“, - განაცხადა ქაცარავამ და დასძინა, რომ საელჩო ქართველ სტუდენტებთანაც უწყვეტ რეჟიმში თანამშრომლობს და ყველანაირი სახის ინფორმაციას აწვდის, ასევე ეხმარება, რომ საქართველოში დაბრუნდნენ, თუ მათ ასეთი სურვილი აქვთ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა