ინდოეთის შტატ მაჰარაშტრას საავადმყოფოში გაჩენილ ხანძარს 10 ახალშობილის სიცოცხლე ემსხვერპლა, - ამის შესახებ ინფორმაციას Reuters-ი ავრცელებს.
სააგენტოს ცნობით, ხანძრის დროს ავადმყოფი ჩვილების განყოფილებაში 17 ახალშობილი იმყოფებოდა და მხოლოდ 7-ის გადარჩენა მოხერხდა.
მაჰარაშტრას მთავარმა მინისტრმა უდჰავ თაკრემ სამართალდამცავებს ინციდენტის გამოძიება დაავალა. მომხდარს ინდოეთის პრემიერ-მინისტრი ნარენდრა მოდი გამოეხმაურა და დაღუპულების ოჯახებს სამძიმარი გამოუცხადა.
იხილეთ ვიდეო:ინდოეთის საავადმყოფოში გაჩენილ ხანძარს 10 ახალშობილის სიცოცხლე ემსხვერპლა