დავით მათიკაშვილი - გამიჭირდება პასუხის გაცემა, განახლება რამდენად უშველის „ნაცმოძრაობას“, ვიდრე მათი პარტიის ბელადი კვლავ სააკაშვილია

განახლება რამდენად უშველის „ნაციონალურ მოძრაობას“ გამიჭირდება ამაზე პასუხის გაცემა, სანამ მათი პარტიის ბელადი კვლავ სააკაშვილია, - ამის შესახებ საპარლამენტო უმრავლესობის წევრმა დავით მათიკაშვილმა განაცხადა.

მისი თქმით, რამდენად შეძლებს „ნაციონალური მოძრაობა“ რებრენდინგს, ეს თვითმმართველობის არჩევნებზე გამოჩნდება.

„განახლება რამდენად უშველის „ნაციონალურ მოძრაობას“ გამიჭირდება ამაზე პასუხის გაცემა, სანამ მათი პარტიის ბელადი კვლავ სააკაშვილია და ისინი ნახევრად კრიმინალურ ძალას ეყრდნობიან, ეს კარგად ჩანს ყველა არჩევნებზე. როგორ შეძლებს ეს პარტია რებრენდინგს და რანაირად დაავიწყებს ქართველ ხალხს იმ წარსულს, რომელიც “ნაციონალურმა მოძრაობამ” ხონჩით მიართვა ჩვენს საზოადგეობას ცემის, წამების, მკვლელობის, ქართული მიწა-წყლის დარიგების და ა.შ. სახით, ამაზე კითხვაც და პასუხიც შემდგომ არჩევნებზე იქნება ალბათ გაცემული, როცა კარგად გამოჩნდება რამდენად გამოადგება „ნაციონალურ მოძრაობას“ ეს ე.წ. რებრენდინგი,“- განაცხადა მათიკაშვილმა.

ცნობისთვის, “ერთიანმა ნაციონალურმა მოძრაობამ" გუნდის ახალი წევრები წარადგინა. განახლებული გუნდი პარტიის თავმჯდომარემ ნიკა მელიამ დაასახელა.

პარტიას 12 ახალი წევრი შეუერთდა, ესენი არიან: გიორგი ჩალაძე, ნონა მამულაშვილი, ნიკა ობოლაძე, გიორგი თარგამაძე, რეზო ჩომახიძე, სოფო ჯაფარიძე, მანუჩარ ახალაია, ბარბარა ჯიმელი, ანა გოგოლაძე, ზვიად ქვლივიძე, ბაჩო დოლიძე, გიორგი ხვედელიანი.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს