დავით მათიკაშვილის განცხადებით, ხელისუფლება ოპოზიციის ყველა დესტრუქციულ ქმედებას პოზიტიური და დემოკრატიული ნაბიჯებით უპასუხებს

საპარლამენტო უმრავლესობის წევრის, დავით მათიკაშვილის განცხადებით, „ხელისუფლება ოპოზიციის ყველა დესტრუქციულ ქმედებას პოზიტიური და დემოკრატიული ნაბიჯებით უპასუხებს“.

მათიკაშვილის თქმით, მმართველი გუნდი ტოვებს რესურსს, რომელიც ქვეყნის დემოკრატიული განვითარებისთვისაა მიმართული.

„ქართული ოცნება, როგორც მაღალი პასუხისმგებლობის მქონე სახელისუფლებო ძალა, ტოვებს შესაბამის რესურსს, რომელიც მიმართული იქნება ჩვენი ქვეყნის დემოკრატიული განვითარებისთვის. არა რომელიმე კონკრეტული პარტიის და პოლიტიკური ჯგუფის ინტერესებისთვის, არამედ ჩვენი ქვეყნის ინტერესებისთვის. სამწუხაროდ, ასეთი სახელმწიფოებრივი აზროვნება ამ ბოლო პერიოდში ნაკლებად შეინიშნება. არსებობს საკონსტიტუციო განაწესები, რომელიც პირდაპირ არის გათვალისწინებული კონსტიტუციაში სწორედ იმიტომ, რომ მსგავსი სახის დესტრუქციული და ობსტრუქციული ქმედებები აღკვეთილი და დაბალანსებული იქნეს და ამისთვის ხელისუფლება იყენებს ყველა შესაბამის ბერკეტს იყენებს. ღრმად ვართ დარწმუნებული, რომ დემოკრატიას და პარლამენტარიზმს საქართველოში ალტერნატივა არ აქვს. ოპოზიციის ყველა ასეთი დესტრუქციული ქმედება პოზიტიური და დემოკრატიული ნაბიჯებით იქნება მმართველი გუნდიდან ნაპასუხები“, - განაცხადა მათიკაშვილმა.

ცნობისათვის, „ქართული ოცნების“ უმრავლესობა ოპოზიციონერი დეპუტატებისთვის უფლებამოსილების ვადამდე შეწყვეტას მხარს არ დაუჭერს. შესაბამისად, როგორც საპარლამენტო უმრავლესობის სხდომის დასრულების შემდეგ გახდა ცნობილი, საკითხი კენჭისყრისას ჩავარდება და ოპოზიციის საპარლამენტო საქმიანობის თემა კვლავ ღიად დარჩება.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს