შაქარაშვილის საქმეზე მოწმის სახით დაკითხული ანა გაბეჩავა აცხადებს, რომ მან სასამართლოში დასმულ ყველა კითხვას პასუხი გასცა

ფეხბურთელ გიორგი შაქარაშვილის საქმეზე ბრალდებული 5 სრულწლოვნის საქმეზე მოწმის სახით დაკითხულმა ანა გაბეჩავამ განაცხადა, რომ მან სასამართლოში დასმულ ყველა კითხვას გასცა პასუხი. გაბეჩავას განმარტებით, მან გარკვეული პირების იდენტიფიცირება მოახდინა.

"სასამართლოს ის ინფორმაცია მივაწოდე, რაც აინტერესებდა, რა კითხვებიც იყო დასმული, ყველას გავეცი პასუხი"- განაცხადა გაბეჩავამ.

საქმის პროკურორის, ვახტანგ ცალუღელაშვილის განმარტებით, გაბეჩავამ წვეულებაზე განვითარებულ მოვლენებთან და იმ ფიზიკურ დაპირისპირებასთან დაკავშირებით ისაუბრა, რომელსაც შეესწრო. პროკურორის თქმითვე, გაბეჩავამ 5 ბრალდებულის იდენტიფიცირება მოახდინა და მათი სახელები და გვარები დაასახელა. საუბარია, "მერსედესის" მგზავრებზე.

ადვოკატების განმარტებით კი, ანა გაბეჩავას დღეს სასამართლოში ახალი ინფორმაცია არ გაუჟღერებია.

ცნობისთვის, ფეხბურთელ გიორგი შაქარაშვილის საქმეზე დაკავებულ სრულწლოვნებს ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან.

იხილეთ ვიდეო:შაქარაშვილის საქმეზე მოწმის სახით დაკითხული ანა გაბეჩავა აცხადებს, რომ მან სასამართლოში დასმულ ყველა კითხვას პასუხი გასცა

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)