პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ გაეროს განვითარების პროგრამის (UNDP) წარმომადგენლებთან ონლაინ შეხვედრა გამართა.
როგორც “ინტერპრესნუსს” საქართველოს პარლამენტიდან აცნობეს, შეხვედრაზე განხილული იყო სამომავლო თანამშრომლობის პერსპექტივები, რაც მიხეილ სარჯველაძის შეფასებით, კარგ შესაძლებლობებს გააჩენს საპარლამენტო საქმიანობის გაუმჯობესებისთვის.
„ძალიან მნიშვნელოვანია მსგავსი ტიპის დახმარებები და განსაკუთრებით, გაეროს განვითარების პროგრამის ფარგლებში შემოთავაზებული შესაძლებლობები, რომელიც ადამიანის უფლებათა დაცვისა და სამოქალაქო ინტეგრაციის კომიტეტისთვის პრიორიტეტული საკითხების გაცილებით უკეთ წარმართვას შეუწყობს ხელს“, - განაცხადა მიხეილ სარჯველაძემ.