ბექა დავითულიანის განცხადებით, ბოიკოტის რეჟიმში მყოფი ყველა პარტია პრაქტიკულად, დაშლის პირასაა

პარლამენტის უმრავლესობის წევრის, ბექა დავითულიანის განცხადებით, ბოიკოტის რეჟიმში მყოფი ყველა პარტია პრაქტიკულად, დაშლის პირასაა.

როგორც დავითულიანმა ჟურნალისტებს განუცხადა, ოპოზიციური სპექტრი, სამწუხაროდ, დგამს ისეთ ნაბიჯებს, რომელიც აზიანებს მათ და ჩვენი ქვეყნის ინტერესებს დემოკრატიული განვითარების თვალსაზრისით.

„ძალიან ბუნებრივია იმ შედეგებიდან გამომდინარე, რაც ჩვენ ყველამ ვიხილეთ. სამწუხაროდ, ხანდახან პოლიტიკურ პარტიებს აქვთ უფრო მეტი ამბიცია, ვიდრე შესაძლებლობები და მხარდაჭერა ხალხში. ეს დაადასტურა ამ არჩევნებმა, რომლის შედეგებიც, „ევროპული საქართველოდან“ წასულმა ლიდერებმა პრაქტიკულად დაადასტურეს. ოპოზიციური სპექტრი, სამწუხაროდ, დგამს ისეთ ნაბიჯებს, რომელიც აზიანებს მათ და აზიანებს ჩვენი ქვეყნის ინტერესებს დემოკრატიული განვითარების თვალსაზრისით. სამწუხაროდ, მათ ეს გზა აირჩიეს და შედეგენს იმკიან. გადახედეთ ოპოზიციურ სპექტრს, ბოიკოტის რეჟიმში მყოფი ყველა პარტია პრაქტიკულად, დაშლის პირას არის, გადინება აქვთ კადრების. ეს მათი არჩევანია, ბუნებრივია, როცა ამხელა ნაბიჯს დგამ დემოკრატიული განვითარების წინააღმდეგ, ამას მოყვება შედეგები, რომელიც თვითდესტრუქციული იქნება. თავიდანვე ვამბობდით, რომ ოპოზიცია არის თვითდესტრუქციულ რეჟიმში გადასული. ბოიკოტის რეჟიმში მყოფმა ოპოზიციურმა პარტიებმა თავად აირჩიეს მთავარ ოპოზიციურ პლატფორმად სააკაშვილის ჯგუფი. შესაბამისად, მისი მავნე ზეგავლენა ქართულ პოლიტიკაზე, რა თქმა უნდა, მათზეც გავრცელდება“, - განაცხადა დავითულიანმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა