პარლამენტი დაჩქარებული წესით “ადმინისტრაციულ სამართალდარღვევათა კოდექსში“ დაგეგმილ ცვლილებებს განიხილავს, რომელიც პანდემიის დროს პირბადის ტარების წესის დარღვევაზე ფინანსურ ჯარიმებს ადგენს.

16 თებერვალს, ადამიანის უფლებათა დაცვისა და ჯანდაცვის კომიტეტების ერთობლივ სხდომაზე დეპუტატების დიმიტრი ხუნდაძის, ზაზა ლომინაძის, რამინა ბერაძის და ლადო კახაძის საკანონმდებლო ინიციატივაზე იმსჯელებენ, რომლის მიხედვით, პანდემიის დროს როგორც დახურულ, ასევე ღია საჯარო სივრცეში პირბადის ტარების წესის დარღვევა პირის 20 ლარით დაჯარიმებას გამოიწვევს.

პროექტით განსაზღვრულია 50 ლარის ოდენობის ჯარიმა საზოგადოებრივი ტრანსპორტით ან ტაქსით გადაადგილებისას პირბადის ტარების წესის განმეორებით დარღვევისთვის.

იხილეთ ვიდეო:პარლამენტი დღეს საკანონმდებლო ინიციატივას განიხილავს, რომელიც პირბადის ტარების წესის დარღვევაზე ფინანსურ ჯარიმებს ადგენს