გიგა ბოკერია „ქართულ ოცნებაზე“ - იმედი მაქვს, თავისთვის საბედისწერო ნაბიჯს, მსხვილი ოპოზიციური პარტიის ლიდერის დაჭერით, არ გადადგამენ - გვინდა, უმძიმესი დანაშაული არ ჩაიდინონ და მშვიდობიანი არჩევნებით დაგვანებონ თავი

„ევროპული საქართველოს“ ერთ-ერთი ლიდერის, გიგა ბოკერიას განცხადებით, ნიკა მელიას სადეპუტატო იმუნიტეტის შეჩერება არის კიდევ ერთი ნიშანი იმისა, თუ როგორი არალეგიტიმური და სამარცხვინოა დღევანდელი პარლამენტის შემადგენლობა“.

მისივე შეფასებით, საპარლამენტო უმრავლესობის მხრიდან ამ გადაწყვეტილების მიღება, მოულოდნელი არ ყოფილა.

„სამწუხაროდ, არც საზოგადოებისთვის არ არის არაფერი მოულოდნელი ამ სამარცხვინო პოლიტიკოსების გადაწყვეტილებაში, რომელიც დღეს პარლამენტში მიიღეს. ეს არის კიდევ ერთი ნიშანი იმისა, როგორი არალეგიტიმური და სამარცხვინოა დღევანდელი პარლამენტის შემადგენლობა მთლიანად, ვინც იქ ესწრება და ვინც ამ სამარცხვინო გადაწყვეტილებას მისცა ხმა. მე მაინც იმედი მაქვს, რომ თავისთვის ამ საბედისწერო და ქვეყნისთვის საზიანო ნაბიჯს ქვეყნის ყველაზე მსხვილი ოპოზიციური პარტიის ლიდერის დაჭერით, არ გადადგამენ. ის უტიფარი საბაბი, რაც დღეს გვესმოდა, რომ იძახდნენ კანონის უზენაესობას ვიცავთო, მინდა გაგახსენოთ, რომ სულ ცოტა ხნის წინ, როცა მელიამ ლეგიტიმურად მიმართა მანდატის შეჩერებაზე, თქვეს, რომ კანონს კი ვარღვევთო, მაგრამ პოლიტიკურად გვჭირდება და ამიტომ მანდატს არ მოვუხსნითო. დღეს კი, „გავრილოვის ღამის“ შემოქმედი ხელისუფლებისგან ოპოზიციის ლიდერის მიმართ არალეგიტიმურ, აბსურდულ ბრალდებაზე იშველიებს კანონის უზენაესობას ის ხალხი, ვინც კანონის უზენაესობას და სახელმწიფო ინსტიტუტებს გამოუთხარა ძირი. ეს არის უტიფრობა და თავხედობა მათი მხრიდან. ჩვენი ამოცანა არ არის, რომ რაც შეიძლება კატასტროფული რამე ჩაიდინონ და მერე საბედისწერო რამ მოუვიდეთ იმათ, ვინც ამ სამარცხვინო რამეს ჩადის. ჩვენ გვინდა, რომ ეს უმძიმესი დანაშაული არ ჩაიდინონ და მშვიდობიანი არჩევნებით დაგვანებონ თავი“, - განაცხადა ბოკერიამ.

შეგახსენებთ, რომ პარლამენტმა დეპუტატ ნიკა მელიას სადეპუტატო იმუნიტეტის შეჩერებას მხარი დაუჭირა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა