შალვა პაპუაშვილის განცხადებით, გიორგი გახარია ეთანხმებოდა ნიკა მელიასთვის სადეპუტატო იმუნიტეტის შეჩერებას და განსხვავებული პოზიცია მხოლოდ აღსრულების ვადებთან დაკავშირებით ჰქონდა

ფრაქცია „ქართული ოცნების" დეპუტატის შალვა პაპუაშვილის განცხადებით, პრემიერი გახარია ეთანხმებოდა პარლამენტის გადაწყვეტილებას ნიკა მელიასთვის სადეპუტატო იმუნიტეტის შეჩერების თაობაზე.

როგორც პაპუაშვილმა ჟურნალისტებს განუცხადა, გიორგი გახარიას მხრიდან კითხვის ქვეშ არ დგას საკითხი იმის თაობაზე, უნდა აღსრულდეს თუ არა სასამართლოს გადაწყვეტილება. მას განსხვავებული პოზიცია მხოლოდ აღსრულების ვადებთან დაკავშირებით ჰქონდა.

„პარლამენტი ნიკა მელიასთვის უფლებამოსილების შეჩერების საკითხში ერთიანი იყო. პრემიერ-მინისტრი ამ პოზიციის დამცველი და მომხრე იყო. ამის შემდეგ ჩვენ სასამართლო პროცესი ვიხილეთ. დადასტურებულად ვიხილეთ, თუ რასთან გვაქვს საქმე ჩვენი ოპონენტების მხრიდან. მოსამართლეს სხვა რომ ვერაფერი მოუძებნეს, მის ოჯახის წევრებზე დაიწყეს საუბარი. შეტევა მოხდა აშშ-ს ელჩზე, რა სიტყვებით მოიხსენიებდნენ ელჩს... ეს ყველაფერი გვარწმუნებს, რომ ჩვენი ოპონენტების მიზანი არის დესტრუქცია და დესტაბილიზაცია. კანონი პირდაპის ეთერში ირღვეოდა და სასამართლოს მიერ მიღებულ გადაწყვეტილებაში არაფერი იყო გასაკვირი", - განაცხადა პაპუაშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს