დავით ჭიჭინაძე - აუცილებლად მოუწევთ რიგგარეშე არჩევნები იმიტომ, რომ ამ ხელისუფლებას დღეს ქვეყნის მართვის რესურსი არ გააჩნია - ის, ვინც ყველაზე რეიტინგული იყო მათ შორის, ის გადადგა

გახარიას უნდა დავუფასოთ ის სწორი პოლიტიკური გადაწყვეტილება, რომლითაც მან ქვეყანაში კრიზისი ოდნავ გააჩერა, - ამის შესახებ „ტრიბუნას” ლიდერმა, დავით ჭიჭინაძემ გიორგი გახარიას მიერ თანამდებობის დატოვებაზე საუბრისას განაცხადა.

როგორც ჭიჭინაძემ აღნიშნა, ქვეყანაში რიგგარეშე არჩევნები აუცილებლად ჩატარდება.

„ქართული ოცნების” დღევანდელი ბრიფინგი კიდევ ერთხელ ადასტურებს, რომ ამ ადამიანებს არანაირი ადეკვატური წარმოდგენა არ აქვთ ქვეყანაში მიმდინარე პროცესებზე. ეს ხალხი არ არიან პოლიტიკოსები, ესენი არიან შემთხვევითი ადამიანები, რომლებიც ბიძინა ივანიშვილმა მონური პრინციპის გამო შეარჩია.

დღეს, როდესაც ისინი მომავალ პრემიერ-მინისტრზე, ქვეყნის მომავალზე და სახელმწიფოს ფუნქციების აღდგენაზე საუბრობენ, თუ ამ ქვეყანაში ინსტიტუტები ჩამოქცეულია და არ ფუნქციონირებს, ზუსტად ან ჯგუფის დამსახურებაა. აუცილებლად მოუწევთ რიგგარეშე არჩევნები იმიტომ, რომ ამ ხელისუფლებას დღეს ქვეყნის მართვის რესურსი არ გააჩნია. ის, ვინც ყველაზე რეიტინგული იყო მათ შორის, ის გადადგა”, -განაცხადა ჭიჭინაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს