ოპოზიცია საკუთარ პერსპექტივას იმაში ხედავს, რომ უწესრიგობით წესრიგზე ბატონობა მოიპოვონ, - ეს შეფასება ჟურნალისტებთან საუბრისას პარლამენტის ადამიანის უფლებათა დაცვის კომიტეტის თავმჯდომარემ მიხეილ სარჯველაძემ გააკეთა.

დეპუტატის აზრით, ოპოზიციის რეალური სურვილი, ესკალაციისა და პოლარიზაციის ხარისხის გაზრდაა.

„თუკი ოპოზიცია ან რომელიმე პოლიტიკური ლიდერი თვლის, რომ ხელისუფლების ნაბიჯი იყო ხიდების დაწვა, ძალიან სამწუხაროა, რომ ასე განიხილავენ. ოპოზიციამ ყველაფერი გააკეთა იმისთვის, რომ საქმე აქამდე მოსულიყო. მაგალითად, იმით, როცა დემონსტრაციულად უპირისპირდებოდნენ სახელმწიფოს, მისი დაკნინების სურვილი ჰქონდა - მხოლოდ ამ მოტივით არ გადაიხადა ნიკა მელიამ გირაოს თანხა, რომელიც აგვარიდებდა თუნდაც იმ ღონისძიებას, რომელიც დღეს ვიხილეთ", - აღნიშნა მიხეილ სარჯველაძემ.