ხათუნა სამნიძე „ქართულ ოცნებაზე“ - არათუ დიალოგზე წამომსვლელები არიან, არც აინტერესებთ, რას ამბობენ დასავლელი პარტნიორები - დარწმუნებული ვარ, შოკში იყო პავილიონისი, რომელსაც ლამის „ნაციონალი“ ხარო უთხრეს

შოკში იყო დარწმუნებული ვარ ის ადამიანი, პავილიონისი, რომელიც აქ კონფლიქტის გადასაჭრელად ჩამოვიდა და ლამის „ნაციონალი“ ხარო უთხრეს და არ გვაინტერესებს, რას ამბობო. ამ უპასუხისმგებლობების გამო, რაც უქმნის ამ ქვეყნის ევროატლანტიკურ მომავალს საფრთხეს, სანქციები რეალურია, - ამის შესახებ „რესპუბლიკური პარტიის“ ერთ-ერთმა ლიდერმა ხათუნა სამნიძემ „პალიტრანიუსის“ გადაცემა „360 გრადუსში“ განაცხადა.

როგორც სამნიძემ აღნიშნა, პარტია „ქართული ოცნების“ ყოფილი თავმჯდომარის, ბიძინა ივანიშვილის წინააღმდეგ სანქციების დაწესების მომხრეა, თუმცა, პოლიციელების ვინაობა, რომლებმაც ნიკა მელიას დაკავების ოპერაციაში მონაწილეობა მიიღეს, არ უნდა გამოქვეყნდეს.

„ამ ემოციების ფონზე, ალბათ, ემოციური განცხადებები ბევრი იქნება, განსაკუთრებით, „ნაციონალური მოძრაობის“ წევრების მხრიდან, რადგან არ არის მარტივი, როდესაც ლიდერს აკავებენ. მე არ ვარ მომხრე პოლიციელების სახელების გამოქვეყნების, თუმცა, აქვე ვიტყვი, რომ რაც ეხება სანქციებს, რომელიც მიმართული იქნება ბიძინა ივანიშვილის წინააღმდეგ, ამაზე საუბარი არის და ისევ აქტუალური გახდა. ეს მხოლოდ და მხოლოდ „ქართული ოცნების“ დამსახურებაა. პირადად მე სკეპტიკურად ვუყურებდი სანქციებზე საუბარს ოპოზიციის მხრიდან, მაგრამ დღეს ეს საკითხი იმდენად აქტუალური გახდა და განხილვის თემაა, რომ აღარ მიკვირს და მეც ვფიქრობ, რომ შესაძლოა ეს თემა რეალისტური გახდეს იქედან გამომდინარე, რომ „ქართული ოცნება“ თან აპატიმრებს ოპოზიციის ლიდერს, თან აცხადებს, რომ დეკრიმინალიზაციაც მოხდეს. სია ჩამოთვალა იმ პოლიტიკოსების კობახიძემ, რომელთაც, როგორც ჩანს, დაჭერას უპირებს. გარდა ამისა, ამ ყველაფერთან ერთად ვხედავთ, რომ ისინი არათუ დიალოგზე წამომსვლელები არიან, უბრალოდ ყურადღებას არ აქცევენ, არც აინტერესებთ რას ამბობენ ჩვენი დასავლელი პარტნიორები. შოკში იყო დარწმუნებული ვარ ის ადამიანი, პავილიონისი, რომელიც აქ კონფლიქტის გადასაჭრელად ჩამოვიდა და ლამის „ნაციონალი“ ხარო უთხრეს და არ გვაინტერესებს რას ამბობო. ამ უპასუხისმგებლობების გამო, რაც უქმნის ამ ქვეყნის ევროატლანტიკურ მომავალს საფრთხეს, სანქციები რეალურია“, - განაცხადა სამნიძემ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
ახალი ზოოპარკი და ახალი ბინადრები, რომელთა ნახვაც დამთვალიერებლებს შეეძლებათ - რა ეტაპზეა თბილისის ზღვაზე ახალი ტერიტორიის მოწყობა?
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით