“ოქროს გლობუსზე“ საუკეთესო კომედიურ ფილმად „მორიგი ფილმი ბორათზე“, საუკეთესო დრამად კი - “მომთაბარეთა მიწა” დასახელდა
„ოქროს გლობუსის“ საუკეთესო კომედიური ფილმის ან მიუზიკლის ნომინაციაში ფილმმა „მორიგი ფილმი ბორათზე“ გაიმარჯვა, საუკეთესო დრამად კი - “მომთაბარეთა მიწა” დასახელდა.
საშა ბარონ კოენმა ფილმში „მორიგი ფილმი ბორათზე“ მონაწილეობისთვის ნომინაციაში - მამაკაცის როლის საუკეთესო შემსრულებელი კომედიაში ან მიუზიკლში - გაიმარჯვა. ქალის როლის საუკეთესო შემსრულებელად კი ოზამუნდ პაიკი დასახელდა კომედიურ ფილმში - „ძალიან მაღელვებს“ მონაწილეობისთვის.
დრამაში ქალის როლის საუკეთესო შემსრულებლის ნომინაციაში მსახიობმა ანდრა დეიმ გაიმარჯვა, ნომინაციაში - მამაკაცის როლის საუკეთესო შემსრულებელი მხატვრულ ფილმში - დრამა - კი რამდენიმე თვის წინ გარდაცვლილმა მსახიობმა ჩედვიკ ბოუზმანმა გაიმარჯვა ფილმში „მა რეინი ბლუზის დედა“ მონაწილეობისთვის.
„ოქროს გლობუსის“ დაჯილდოების 78-ე ცერემონია წელს, პანდემიის გამო, ვირტუალურ რეჟიმში გაიმართა.
