გია გაჩეჩილაძის განცხადებით, 9 აპრილს მდუმარე აქცია გაიმართება და “საქართველოს მარადისობის დღე“ დაფუძნდება

მომღერალ გია გაჩეჩილაძის (უცნობი) განცხადებით, 9 აპრილს ხალხის მდუმარე აქცია გაიმართება და დაფუძნდება “საქართველოს მარადისობის დღე“.

როგორც გაჩეჩილაძემ “პალიტრანიუსის“ გადაცემა, “360 გრადუსში“ განმარტა, აქცია პოლიტიკოსების მონაწილეობის გარეშე იქნება. ამასთან, მისივე თქმით, ამ დღეს ყველა იმ ადამიანს ვიხილავთ, ვისი ხილვაც ხალხს სურს.

გაჩეჩილაძემ აღნიშნა ისიც, რომ ხალხს ჰკითხავს, თუ ვისი ხილვა სურთ საქართველოს პარლამენტში.

გაჩეჩილაძის შეფასებით, ხელისუფლება ძალიან ბევრ რამეს ცუდად აკეთებს, ხოლო “ოპოზიციაზე საერთოდ აღარ არის ლაპარაკი“. “უცნობმა“ დღეს განაცხადა ისიც, რომ მისთვის გაუგებარია, “რატომ უნდა გათავისუფლდეს დამნაშავე ვიღაცის თხოვნის გამო და რატომ უნდა ხდებოდეს რაღაცების დათმობა საზოგადოების ხარჯზე“.

“იქნება მდუმარე შეკრება. არ იქნება არანაირი მიკროფონი. არ იქნება სიტყვით გამომსვლელები. რვა წლის განმავლობაში ჩვენ მხოლოდ ოპოზიციის გამოსვლებს და პროტესტს ვხედავთ. ჩვენ იმ ხალხის რაოდენობა არ გვინახავს, ვინც ამ ყველაფერს ეწინააღმდეგება. ჩვენ როგორც ქვეყნის გარეთ, ასევე ქვეყნის შიგნით ყველას უნდა დავანახოთ, რომ სხვა მოცემულობაა. ხალხს საერთოდ არ უწევენ ანგარიშს! ყველას უნდა დავანახოთ, რომ ჩვენ ანგარიშგასაწევი ხალხი ვართ, ხოლო ჩვენი ქვეყანა არის სუვერენული ქვეყანა. თუკი ამას ვერ დავანახებთ, პირადად მე, აბსოლუტურად გავქრები ტელესივრციდან და ხმას არ ამოვიღებ. მანქურთიზაციას შეგვყრიან და აღარ ვართ აღარანაირი სახელმწიფოს ღირსი, მით უმეტეს სუვერენული სახელმწიფოს ღირსი“, - განაცხადა გია გაჩეჩილაძემ.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 20.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
LEXUS-ი წარმოგიდგენთ უახლეს ფლაგმან მოდელს LX 600
ჩაირთე „სილქფესტი“ და ისარგებლე ულიმიტო ინტერნეტით და სასაუბრო წუთებით უსასრულოდ, მთელი თვის განმავლობაში
„მიჰაუსში“ გრანდიოზული ფასდაკლება დაიწყო
„ჯიპიაი ჰოლდინგმა“ და „ჯი ეს ემ ტრანსმა“ თანამშრომლობის მემორანდუმი გააფორმეს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს