გიგი უგულავა - ხვალ დეტალურად მოვუყვებით საზოგადოებას, როგორ ვაპირებთ ამ მძიმე სურათის შეცვლას

„ევროპული საქართველოს“ ერთ-ერთი ლიდერის, გიგი უგულავას განცხადებით, გუშინდელი დღე იყო წყალგამყოფი და უახლოეს მომავალში საპროტესტო აქციები გაცილებით უფრო ღრმა და ფართო სახეს მიიღებს.

როგორც უგულავამ ოპოზიციური პარტიების შეხვედრის დასრულების შემდეგ აღნიშნა, ხვალ ოპოზიციური სპექტრი საკუთარ გეგმას თარიღებისა და ლოკაციების მიხედვით გააჟღერებს.

„სამწუხაროდ, გუშინდელი დღე არ იყო რიგითი პოლიტიკური მოვლენა ჩვენი ქვეყნის უახლეს ისტორიაში. გუშინ არამარტო მოლაპარაკება ჩაშალა „ქართულმა ოცნებამ“, მოლაპარაკება, რომელსაც პოლიტიკური კრიზისი უნდა განემუხტა და გამოსავალი მოგვეძებნა, ჩვენ შედეგად მივიღეთ კიდევ უფრო მძიმე მდგომარეობა. დღეს საზოგადოების უდიდეს ნაწილს აღარ ეპარება ეჭვი, რომ გუშინ ჩავარდნილი მოლაპარაკებები ივანიშვილის მხრიდან ატარებს გეოპოლიტიკურ ხასიათს. ჩავარდნილი მოლაპარაკება არამარტო კრიზისის გაღრმავებას ნიშნავს, არამედ ნიშნავს სილის გაწვნას ჩვენი დასავლელი პარტნიორების მიმართ. ამიტომ, ჩვენ ვვარაუდობთ, რომ აწი საკუთარი ძალაუფლების და ხელისუფლების შესანარჩუნებლად, ივანიშვილის ძალისხმევა გადაიხაროს რუსეთისკენ, კიდევ უფრო მეტად ცხადი გახდება.

გუშინდელი დღე ამ თვალსაზრისით იყო წყალგამყოფი. ამიტომ, ჩვენ ვფიქრობთ, რომ აქციები და ღონისძიებები, რომელიც უნდა დაიგეგმოს და რომლის მთავარი მოთხოვნები რჩება რიგგარეშე არჩევნები და პოლიტიკური პატიმრების გათავისუფლება, გაცილებით უფრო ღრმა და ფართო სახეს იღებს. სწორედ ამიტომ, ჩვენ მივიღეთ გადაწყვეტილება, რომ ხვალინდელი აქცია გაგვეუქმებინა და ეს განპირობებული იყო სწორედ იმ პროცესით, რომელიც ჩვენი ევროპელი და ამერიკელი პარტნიორების მედიაციით მიმდინარეობდა, მაგრამ, ამავე დროს, ჩვენ ვფიქრობთ, რომ გაცილებით სხვა ხარისხის და სხვა დონის მომზადებაა საჭირო აქციებისთვის. ისეთი მომზადება, რომლის შედეგი იქნება რიგგარეშე არჩევნები და ცვლილებები. სწორედ ამიტომ ჩვენ გადავწყვიტეთ, რომ დროში გაწერილი გეგმით წარვდგეთ საზოგადოების წინაშე. ხვალ, 12:00 საათზე ყველა პოლიტიკური პარტია, რომელიც ამ პათოსს იზიარებს და ხედავს, რომ დღეს უკვე ბრძოლა ეგზისტენციალური ხასიათისაა, გამოვაცხადებთ სამოქმედო გეგმას თარიღების და შესაბამისად, რეგიონების მიხედვით. ხვალ დეტალურად მოვუყვებით საზოგადოებას, როგორ ვაპირებთ ამ მძიმე სურათის შეცვლას“, - განაცხადა უგულავამ.

როგორც მან დააანონსა, იქნება როგორც მასშტაბური, ასევე წერტილოვანი პროსტეტი.

„აქციები ყოველდღიური ისედაც არის. 24 საათის რეჟიმში აქციები მიმდინარეობს პარლამენტთან, მოცულია პრტაქტიკულად პარლამენტი და რუსთაველის მოედანი, კარვების ქალაქია და ბუნებრივია, ეს კიდევ უფრო გაძლიერდება. ყოველდღიური აქციები იქნება, ბუნებრივია, მაგრამ ამავე დროს, იქნება წერტილოვანიც, შედარებით დიდი თარიღებიც და იქნება ყველაზე დიდი თარიღი, რომელიც ასევე ხვალ გახდება ცნობილი. დღეს დასამალი არაფერი არ არის, უბრალოდ ყველა პარტიას აქვს თავისი პოლიტსაბჭო და მათ სჭირდებათ შიდა კონსულტაციები, რადგან სიტუაცია საგანგაშოზე უფრო საგანგაშოა“, - განაცხადა უგულავამ.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ