„საქართველოს მედიატორთა ასოციაციის“ ინფორმაციით, 22 მარტიდან მედიატორის სტატუსის მიღების მსურველ პირთა პრაქტიკულ უნარ-ჩვევებში შემოწმების მიზნით პროგრამაზე რეგისტრაცია დაიწყო.
როგორც „ინტერპრესნიუსს“ „მედიატორთა ასოციაციიდან“ აცნობეს, მსურველებს პროგრამაზე რეგისტრაციის გავლა 31 მარტის ჩათვლით შეეძლებათ.
„საქართველოს მედიატორთა ასოციაციის“ სერტიფიცირების პროგრამის თანახმად, მედიატორთა სერტიფიცირების პროგრამის პრაქტიკულ უნარ-ჩვევებში შემოწმების მიზნებისათვის თითოეულ ნაკადზე მონაწილეთა რაოდენობა 200-მდე იქნება.
პროგრამაზე რეგისტრაცია განხორციელდება ელექტრონულად შესაბამისი განაცხადის ფორმის შევსებით, რომელიც განთავსებულია ასოციაციის ვებ-გვერდზე www.mediators.ge“,- ნათქვამია ინფორმაციაში.