„თიბისი  დაზღვევამ” 2019-2020 წელს ფერმერებს 3 მლნ ლარამდე ზარალი აუნაზღაურა

თიბისი დაზღვევა 2019 წლიდან აქტიურად ჩაერთო აგროდაზღვევის სახელმწიფო პროგრამაში.

როგორც „ინტერპრესნიუსს“ „თიბისიდან“ აცნობეს, კომპანიამ ორი წლის განმავლობაში ფერმერებს ჯამურად 3 მილიონ ლარამდე ზარალი აუნაზღაურა.

აგროდაზღვევა ფერმერებს იმ გაუთვალისწინებელი ხარჯებისგან იცავს, რაც სტიქიური მოვლენების შედეგად მოსავლის შესაძლო განადგურებას შეიძლება მოჰყვეს.

ფერმერების ცხოვრების გასამარტივებლად, აგროდაზღვევა შემდეგ გათვალისწინებულ რისკებს ფარავს:

სეტყვა, წყალდიდობა, ქარიშხალი, საშემოდგომო ყინვა

„თიბისი დაზღვევის“ დახმარებით მარტივად არის შესაძლებელი შემდეგი კულტურების დაზღვევა:

მარცვლეული, პარკოსანი, ბოსტნეული, ბაღჩეული, ხეხილი, კაკლოვანი, ვაზი

აგროდაზღვევის შეძენა შესაძლებელია „თიბისი ბანკის“ კახეთის, შიდა ქართლის, ქვემო ქართლისა და რაჭა-ლეჩხუმის რეგიონალურ ფილიალებში.

„აგროდაზღვევა ქართველი ფერმერების საქმიანობის განუყოფელ ნაწილად იქცა. სწორედ ამიტომ, კონკურენტული ბაზარიცა და პროდუქტზე მოთხოვნაც ყოველწლიურად უფრო და უფრო იზრდება. თიბისი დაზღვევის მიზანია ფერმერებს მაქსიმალური კომფორტი და სიმარტივე შევთავაზოთ როგორც დაზღვევის შეძენის, ისე მოხმარების (ანაზღაურების) დროსაც, ამით კი საბოლოოდ მათი ცხოვრების გამარტივებას მოვახერხებთ.“ -აცხადებს „თიბისი დაზღვევის“ მცირე და საშუალო ბიზნესის ალტერნატიული გაყიდვების უფროსი ოთარ ცხვიტარია

აგროდაზღვევის პროგრამა სოფლის მეურნეობის პროექტების მართვის სააგენტოს თანადაფინანსებით ხორციელდება. ვაზის კულტურის შემთხვევაში, დაზღვევის ღირებულების 50%-ს სახელმწიფო ფარავს. ხოლო სხვა კულტურებისთვის თანადაფინანსება 70%-ია.

ფერმერს აგროდაზღვევის ღირებულების გადახდა ეტაპობრივად, სესხით სახითაც შეუძლია.

აგროდაზღვევის შეძენა შესაძლებელია ნებისმიერი ადამიანისთვის, ვინც ამუშავებს მიწას და მოჰყავს მოსავალი. სავალდებულოა მხოლოდ ის, რომ მიწა რეგისტრირებული იყოს საჯარო რეესტრში და დასაზღვევი ნაკვეთი არ აღემატებოდეს 5 ჰექტარს ან 30 ჰექტარს მარცვლეული კულტურის შემთხვევაში.

თუ მომხმარებელი ამ სახელმწიფო პროგრამის რაიმე კრიტერიუმს ვერ აკმაყოფილებს შეუძლია სახელმწიფოს თანადაფინანსების გარეშეც დაეზღვიოს. ამ შემთხვევაში, სადაზღვევო პრემიის 100%-ს ფერმერი გადაიხდის.

დამატებითი ინფორმაციისათვის დაუკავშირდით თიბისი დაზღვევის ცხელ ხაზს: 032 2 42 22 22

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა