მამუკა ხაზარაძე - ადამიანი, რომელსაც პუტინი აჯილდოვებს, ჩამოსულია - ეს მოცემულობა დაუშვა "ქართულმა ოცნებამ"
მამუკა ხაზარაძე ვლადიმერ პოზნერის საქართველოში ჩამოსვლის ფაქტს და მიმდინარე საპროტესტო აქციას ეხმიანება.
როგორც ხაზარაძე აღნიშნავს, ადამიანი რომელსაც პუტინი აჯილდოვებს ჩამოსულია საქართველოში და ეს მოცემულობა "ოცნებამ" დაუშვა.
„გავრილოვი სხვა კი არაფერი არ იყო... პოზნერი, რომელიც გეუბნება, რომ აფხაზეთი არასდროს იქნება საქართველო, ადამიანი, რომელსაც პუტინი აჯილდოვებს, ჩამოსულია...ეს არის სახელმწიფო?!
ეს აღრევა უნდა გამოვაცალკევოთ. სად არის სახელმწიფო ინტერესი. ვინ არის მტერი, ვინ არის მოყვარე.
ეს რაც ხდება, არის ყოვლად მიუღებელი და ეს მოცემულობა დაუშვა "ქართულმა ოცნებამ", - აცხადებს მამუკა ხაზარაძე, რომლის კომენტარსაც პრესსამსახური ავრცელებს.
შეგახსენებთ, რუსი ჟურნალისტი ვლადიმერ პოზნერი საქართველოში დღეს ჩამოვიდა. მისი განცხადებით, ის ქვეყანაში დაბადების დღის აღსანიშნავად იმყოფება. აღნიშნულს პროტესტი მოჰყვა, აქციის მონაწილეები ითხოვენ, პოზნერმა საქართველო დატოვოს.
