ზურაბ ჯაფარიძე - ოპოზიციას არაფერი არ ჩაუშლია, ის არ ეთანხმებოდა ორ პუნქტს და "ოცნებისგან" განსხვავებით ეს თქვა საჯაროდ, აგერ დევს დოკუმენტი და მოაწერონ ხელი

მე მოვედი დანიელსონთან მოლაპარაკების მეორე რაუნდის შემდეგ, რადგან მოვისმინო სხვა პარტიების განწყობები, მოვისმინო რას ფიქრობენ, როგორ ხედავენ გაგრძელებას. რაიმე დღის წესრიგი არ არსებობს, - ამის შესახებ ოპოზიციის შეხვედრის დაწყებამდე "გირჩი მეტი თავისუფლებისთვის" ლიდერმა ზურაბ ჯაფარიძემ განაცხადა.

მისივე თქმით, ჯერჯერობით, ოპოზიციის მხრიდან პოზიციის რაიმე სახის ცვლილებაზე ლაპარაკი ზედმეტია.

"ეს არის პირველი შეხვედრა დანიელსონის მედიაციის მეორე რაუნდის შემდეგ. აქ უამრავი სხვა პარტიაა, რომელსაც აინტერესებს რა ხდებოდა შეხვედრებზე. მე მოვედი დანიელსონთან მოლაპარაკების მეორე რაუნდის შემდეგ, რადგან მოვისმინო სხვა პარტიების განწყობები, მოვისმინო რას ფიქრობენ, როგორ ხედავენ გაგრძელებას. რაიმე დღის წესრიგი არ არსებობს. რაც შეეხება მმართველი გუნდის ბრალდებებს, თითქოს, მოლაპარაკებები ოპოზიციამ ჩაშალა, დოკუმენტი დევს, ახლაც საჯაროა, შეუძლია ყველას, მმართველ გუნდს მოაწეროს ხელი. რა, დაგინებული იყო რომ ყველას უნდა მოეწერა ხელი და ისე აწერდა მმართველი გუნდი? ოპოზიციას არ ჩაუშლია არაფერი, ის არ ეთანხმებოდა ორ პუნქტს და ეს თქვა საჯაროდ, განსხვავებით "ოცნებისგან", რომელიც ვირეშმაკობს და ამბობს, რომ ვითომ თანახმა იყვნენ. სინამდილეში არაფერზე იყვნენ თანახმა, აგერ დევს დოკუმენტი და მოაწერონ ხელი",- განაცხადა ჯაფარიძემ.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა