საქპატენტი ორი ახალი გეოგრაფიული აღნიშვნის - "ქართული მანდარინის" და "ქართული თხილის" რეგისტრაციაზე იწყებს მუშაობას

ევროკავშირის მიერ დაფინანსებული ტვინინგის პროექტის (GE/16 ENI EC 0318) - „საქართველოში გეოგრაფიული აღნიშვნების ეფექტური დაცვისა და კონტროლის სისტემის დანერგვა“ ფარგლებში, საქპატენტი ორი ახალი გეოგრაფიული აღნიშვნის რეგისტრაციაზე მუშაობას იწყებს. აღნიშნულ საკითხზე პროექტის მმართველი კომიტეტის რიგით მე-7 შეხვედრაზე 30 მარტს იმსჯელეს.

საქპატენტის ინფორმაციით, პროექტი, რომელიც ეხმარება საქართველოს უნიკალური მარკეტინგული ინსტრუმენტის, გეოგრაფიული აღნიშვნების სისტემის განვითარებასა და მასთან დაკავშირებული სარგებლის სრულფასოვნად გამოყენებაში, 2021 წლის 31 აგვისტოს დასრულდება. მომდევნო თვეების სამოქმედო გეგმა, რომელსაც ხელი მოეწერა კომიტეტის შეხვედრაზე, ითვალისწინებს მუშაობის გაგრძელებას რაჭული ლორისა და გურჯაანის ატმის რეგისტრაციაზე.

მათივე ცნობით, პროექტის ფარგლებში მუშავდება გეოგრაფიული აღნიშვნების სისტემის პოპულარიზაციასა და ცნობიერების ამაღლებაზე მიმართული აქტივობების გეგმა, რომელიც ითვალისწინებს ვიდეო რგოლების, ტუტორიალებისა და ანიმაციების შექმნას.

„ამავე გეგმით გათვალისწინებულია სხვადასხვა ტრენინგების ჩატარება თუ სამუშაო შეხვედრების გამართვა აღმასრულებელი უწყებების თანამშრომლებისთვის, როგორებიცაა ფინანსთა სამინისტროს საგამოძიებო სამსახური, საბაჟო დეპარტამენტი და მონიტორინგის სამსახური, ისინი, ვინც უფლებების აღსრულებასთან დაკავშირებულ საკითხებზე მუშაობენ. ასევე, სერტიფიცირებისა და კონტროლის განხორციელების მექანიზმების საკითხებზე ჩატარდება ტრენინგები მწარმოებლებისათვის, საქართველოს გარემოს დაცვისა და სოფლის მეურნეობის სამინისტროს, ღვინის ეროვნული სააგენტოსა და სურსათის ეროვნული სააგენტოს თანამშრომლებისათვის,“- ნათქვამია საქპატენტის ინფორმაციაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს