ეკატერინე ტიკარაძის განცხადებით, ყველანაირად ეცდებიან, ოკუპირებული ტერიტორიიდან გადმოსული საქართველოს მოქალაქეებისათვის ჯანდაცვის საშუალებების მიღების გზა გამარტივდეს

საქართველოს ჯანდაცვის მინისტრი ეკატერინე ტიკარაძე მდინარე ენგურთან, საოკუპაციო ხაზის გადმოკვეთისას საქართველოს მოქალაქეების გარდაცვალებას ეხმაურება და მათ ოჯახებს სამძიმარს უცხადებს.

მინისტრის განცხადებით, სამინისტრო ყველანაირად ეცდება, რომ ოკუპირებული ტერიტორიიდან გადმოსული საქართველოს მოქალაქეებისათვის ჯანდაცვის საშუალებების მიღების გზა გაამარტივოს და მინიმალურ რისკამდე დაიყვანოს.

კითხვაზე, განიხილავს თუ არა ჯანდაცვის სამინისტრო მათთვის კარანტინის მოხსნის საკითხს, ჯანდაცვის მინისტრმა განაცხადა, რომ ეს მხოლოდ მათი სამინისტროს გადასაწყვეტი არ არის.

„ჩვენ ყველანაირად ვეცდებით, რომ მათთვის ეს გზა გავამარტივოთ და დავიყვანოთ მინიმალურ რისკამდე.

ეს არ შეიძლება იყოს მხოლოდ ჯანდაცვის სამინისტროს გადაწყვეტილება, ჩვენ ამ გადაწყვეტილებებს ვიღებთ საკოორდინაციო საბჭოს ფორმაში, განვიხილავთ ყველა რისკებს. ეს საკითხიც საბჭოზე დგას, მისი რისკების ფარგლებში ვიღებთ გადაწყვეტილებებს და უახლოეს მომავალში მივიღებთ გადაწყვეტილებებს.

შარშან და წელს გვაქვს ძალიან მაღალი მაჩვენებელი, როდესაც ჯანდაცვის სამინისტრომ თავისი აქტივობით მოქალაქეებს, რომლებიც დღემდე ცხოვრობენ ოკუპირებულ ტერიტორიებზე შესაბამისი მომსახურეობა გაუწია. გავუწიეთ მომსახურეობა 1500-მდე ბენეფიციარს, რომელსაც ჰქონდა შესაბამისი საჭიროება ჯანმრთელობის კუთხით და ვცდილობთ მაქსიმალურად მოხდეს ყველანაირი გამარტივება იმ რისკების გათვალისწინებით, რომელიც პანდემიის ფარგლებში არსებობს ქვეყანაში“, - აღნიშნა ეკატერინე ტიკარაძემ.

ცნობისთვის, ზუგდიდის მუნიციპალიტეტის სოფელ შამგონაში, მდინარე ენგურიდან სამაშველო სამსახურის თანამშრომლებმა 3 მოქალაქის ცხედარი ამოიყვანეს. არსებული ინფორმაციით, მოქალაქეები ოკუპირებული გალიდან საქართველოს ცენტრალური ხელისუფლების მიერ კონტროლირებად ტერიტორიაზე გადმოსვლას მდინარის გადმოცურვით ცდილობდნენ. როგორც „ინტერპრესნიუსს“ შინაგან საქმეთა სამინისტროში განუცხადეს, მიმდინარეობს კიდევ ერთი ადამიანის ძებნის სამუშაობი. უწყების განმარტებით, გამოძიება სისხლის სამართლის კოდექსის 143-ე და 115-ე მუხლით მიმდინარეობს.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე