შალვა პაპუაშვილი გიორგი ხოჯევანიშვილის მიერ უმრავლესობის შესაძლო დატოვებაზე - გამორიცხულია, რომ "ქართულ ოცნებას" საპარლამენტო უმრავლესობა არ ჰყავდეს

გამორიცხულია, რომ "ქართულ ოცნებას" საპარლამენტო უმრავლესობა არ ჰყავდეს, - ამის შესახებ საპარლამენტო უმრავლესობის წევრმა შალვა პაპუაშვილმა ჟურნალისტებთან გიორგი ხოჯევანიშვილის მიერ უმრავლესობის შესაძლო დატოვების თაობაზე გავრცელებული ინფორმაციის კომენტირებისას განაცხადა, რითაც უპასუხა კითხვას, რამდენად მოსალოდნელია, რომ პროცესი გაგრძელდეს და "ქართულმა ოცნებამ" საპარლამენტო უმრავლესობა დაკარგოს.

როგორც პაპუაშვილი აცხადებს, მას არ აქვს არანაირი ინფორმაცია ხოჯევანიშვილის მიერ უმრავლესობის შესაძლო დატოვების და გახარიას გუნდში გადასვლის თაობაზე.

"საქართველოს ყველა მოქალაქე თავისუფალია, რომ იყოს პოლიტიკური ცხოვრების მონაწილე, ასე რომ ეს თავად გიორგი გახარიას გადასაწყვეტია. მან ჯერჯერობით ზოგადი განცხადება გააკეთა, ვნახოთ რას მოიმოქმედებს. ჩემი შეფასებით, „ქართული ოცნება“ დღეს-დღეობით უკონკურენტოა ბევრი მიზეზის გამო, იქნებიან ეს ის ლიდერები, რომლებიც ამ გუნდში არიან, იქნება ეს პროგრამა თუ გაკეთებული საქმე, ამიტომ ჩემი შეფასებით, დღეისათვის და უახლოეს მომავალში "ქართული ოცნება" გახლავთ უკონკურენტო", - განაცხადა პაპუაშვილმა.

ცნობისათვის, უმრავლესობის წევრი გიორგი ხოჯევანიშვილი „ქართულ ოცნებას“ ტოვებს. არაოფიციალური ინფორმაციით, ხოჯევანიშვილი ყოფილი პრემიერის, გიორგი გახარიას გუნდს შეუერთდება. ხოჯევანიშვილი უმრავლესობის დატოვების საკითხზე განცხადებას დღესვე გააკეთებს. ბრიფინგი 12:00 საათზეა ჩანიშნული.

გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 06.12.2021
„ტო­ი­ო­ტა ცენ­ტრ თბი­ლი­სის“ ხარისხის მართვის მენეჯერი - ორიგინალი წარმოების ქარხნული ავტონაწილები ავტომობილის ექსპლუატაციის ვადას რეალურად ახანგრძლივებს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“