დედამიწის საერთაშორისო დღესთან დაკავშირებით ბორჯომის მერიამ დასუფთავების აქცია გამართა.
ბორჯომის მუნიციპალიტეტის მერიის ინფორმაციით, აქციაში მონაწილეობა მიიღეს ბორჯომის მუნიციპალიტეტის მერიისა და ა(ა)იპების თანამშრომლებმა.
„დასუფთავების აქციაში აქტიურად ჩაერთნენ დასუფთავების სამსახურის თანამშრომლები.
აქციის ფარგლებში საყოფაცხოვრებო ნარჩენებისგან გაიწმინდა სანატორიუმ "ლიკანის" მიმდებარე ტერიტორია.
დაბინძურებული ტერიტორიის დასუფთავების მოთხოვნით ადგილობრივმა მოსახლეობამ ბორჯომის მერიას მიმართა. ბორჯომის მერის მოვალეობის შემსრულებლის დავით ზაალიშვილის ინიციატივით, მიმდებარე ტერიტორია აქციის ფარგლებში დასუფთავდა.
ბორჯომის მერია დასუფთავების აქციებს ყოველთვიურად გამართავს”, - აღნიშნულია გავრცელებულ ინფორმაციაში.