საქართველოს ტექნიკური უნივერსიტეტის რექტორს ბელოსტოკის ტექნოლოგიური უნივერსიტეტის საპატიო პროფესორის წოდება მიენიჭა

საქართველოს ტექნიკური უნივერსიტეტის რექტორს, პროფესორ დავით გურგენიძეს ბელოსტოკის ტექნოლოგიური უნივერსიტეტის (პოლონეთი) საპატიო პროფესორის წოდება მიენიჭა. ამის შესახებ ინფორმაციას სტუ-ის საზოგადოებასთან ურთიერთობის დეპარტამენტი ავრცელებს.

მათივე ინფორმაციით, დაჯილდოების ცერემონიას, რომელიც ბელოსტოკის ტექნოლოგიური უნივერსიტეტის ღია სესიაზე, ონლაინ რეჟიმში გაიმართა, რექტორი პროფესორი მარტა კოსიორ-კაზბერუკი უძღვებოდა. საპატიო პროფესორის წოდების მინიჭების შემდეგ, საქართველოს ტექნიკური უნივერსიტეტის რექტორის პატივსაცემად, ცერემონიაზე მიწვეულმა კაპელამ ქართულ ენაზე „სულიკო“ შეასრულა.

„ჩვენი უნივერსიტეტის ისტორიაში სამეცნიერო სამყაროს 11 წარმომადგენელს მიენიჭა ბელოსტოკის ტექნოლოგიური უნივერსიტეტის საპატიო პროფესორის წოდება. დღეს მათ კიდევ სამი გამოჩენილი წარმომადგენელი შეუერთდა. ჩვენ მრავალწლიანი თანამშრომლობა გვაკავშირებს საქართველოს ტექნიკურ უნივერსიტეტთან და მოხარული ვარ, რომ დღეს უნივერსიტეტის რექტორს, პროფესორ დავით გურგენიძეს ეს საპატიო წოდება მიენიჭა“, - განაცხადა რექტორმა მარტა კოსიორ-კაზბერუკმა.

ამასთან, საქართველოს ტექნიკური უნივერსიტეტის რექტორმა დავით გურგენიძემ, საპატიო პროფესორის წოდების მინიჭებისთვის, ბელოსტოკის ტექნოლოგიური უნივერსიტეტის რექტორსა და ღია სესიას მადლობა გადაუხადა და 100-წლოვანი ტექნიკური უნივერსიტეტის ისტორია და მიმდინარე პროცესები გააცნო.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ევროკრედიტსა და საქართველოს საავტომობილო სპორტის ფედერაციას შორის ურთიერთთანამშრომლობის მემორანდუმი გაფორმდა
კამპანიის „კაცები ზრუნავენ“ ფარგლებში, თბილისსა და ქუთაისში „მამების სკოლა“ იხსნება
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა