გიორგი ვაშაძე - კონვენციურ დანაშაულებებზე ამნისტია არ გავრცელდება, რაც სავარაუდოდ, პირდაპირ ჩაიწერება კანონში - ამნისტია ჯალათებზე არ გავრცელდება

ე.წ. ამნისტია ჯალათებზე არ გავრცელდება,- ამის შესახებ „სტრატეგია აღმაშენებლის“ ლიდერმა გიორგი ვაშაძემ საქართველოში ევროკავშირის წარმომადგენლობის ოფისში ოპოზიციურ პარტიებსა და მმართველ გუნდს შორის გამართული შეხვედრის შემდეგ განაცხადა.

მისი განმარტებით, კონვენციურ დანაშაულებებზე ამნისტია არ გავრცელდება და სავარაუდოდ, ეს პირდაპირ ჩაიწერება კანონში.

„ვფიქრობ, ძალიან კარგი და პროდუქტიული შეხვედრა იყო. დღეს, რაც შემიძლია ცალსახად გითხრათ, რასაც ვამბობდი, კონვენციურ დანაშაულებებზე ამნისტია არ გავრცელდება, ეს სავარაუდოდ, პირდაპირ ჩაიწერება კანონში. ე.წ. ამნისტია ჯალათებზე არ გავრცელდება და ამაზე სპეკულაცია უნდა დამთავრდეს. ამ კანონში უამრავი დეტალია, ყველა შევეცდებით, რომ სამშაბათამდე აბსოლუტურად ყველა დეტალი დაზუსტდეს და რაც მთავარია, ვთქვით, რომ ეს უნდა იყოს ერთობლივი. იმედი გვაქვს, კიდევ აზრთა სხვადასხვაობა არ იქნება. ყველა საკითხი, რაც დოკუმენტშია და რაც ბოლო შეხვედრის შემდეგ მხარეებმა დავაფიქსირეთ შარლ მიშელთან შეხვედრის შემდეგ, ჩვენი პოზიციაა, რომ სწორედ ამ ჩარჩოში იყოს აბსოლუტურად ყველაფერი. ჯერჯერობით მმართველი გუნდის კანონპროექტი არ გვინახავს. მოისმინეს, ჩვენც მოვისმინეთ მათი პოზიციები და დავშორდით ისე, რომ შევეცდებით ეს პოზიციები მაქსიმალურად დავაახლოოთ“,- განაცხადა ვაშაძემ.

მან აღნიშნა, რომ ამნისტიის შესახებ კანონპროექტი ავტომატურად გავრცელდება „ნაციონალური მოძრაობის“ თავმჯდომარე, ნიკა მელიაზეც.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს