რეგიონული განვითარებისა და ინფრასტრუქტურის მინისტრის განცხადებით, მთავრობის მიერ დაანონსებული ახალი პროგრამის ფარგლებში, 15 000 ადამიანის დასაქმება იგეგმება

რეგიონული განვითარებისა და ინფრასტრუქტურის მინისტრის, ირაკლი ქარსელაძის განცხადებით, მთავრობის მიერ დაანონსებული პროგრამის „განახლებული რეგიონების“ ფარგლებში 15 000 ადამიანის დასაქმება იგეგმება.

როგორც მინიტრმა მთავრობის სხდომის დასრულების შემდეგ ჟურნალისტებს განუცხადა, პროგრამას სახელმწიფო ბიუჯეტი და ასევე, საერთაშორისო საფინანსო ინსტიტუტები დააფინანსებს.

„მთავრობამ დაამტკიცა სახელმწიფო პროგრამა „განახლებული რეგიონები“. ეს არის აქამდე უპრეცედენტო მასშტაბის რეგიონების განვითარების განახლების პროგრამა. ასეთი მასშტაბური სამუშაოები ერთდროულად ჩვენს ქვეყანაში ნამდვილად არ განხორციელებულა. ძლიერი რეგიონი ნამდვილად ნიშნავს ძლიერ საქართველოს, განვითარებულ საქართველოს.

დაახლოებით 15 000 ადამიანი დასაქმდება. მნიშვნელოვანია ის რომ, არა მხოლოდ საქმდებიან არამედ, იმ ახალ უნარებ-ჩვევებს შეიძენენ, რომლებიც მათ შემდგომში კიდევ უფრო კონკურენტუნარიანს გახდის შრომის ბაზარზე“,- განაცხადა ირაკლი ქარსელაძემ.

მისივე თქმით, პროგრამის პირველი ეტაპისთვის საორიენტაციოდ, დაფინანსება 500 მილიონის ოდენობითაა განსაზღვრული.

„პროგრამის ფარგლებში მოხდება მნიშვნელოვანი კულტურული და ისტორიული ძერგლების აღდგენა - რეაბილიტაცია. მოხდება რეკრეაციული სივრცეების, სკვერების, დასასვენებელი პარკების მოწყობა-რეაბილიტაცია.

უშუალოდ პროგრამის განხორციელებას, ზედამხედველობას, პროექტების შერჩევას განახორციელებს კომისია, რომლის შემადგენლობაში არიან ცენტრალური ხელისუფლების, ასევე, ადგილობრივი თვითმმართველობების წარმომადგენლები. მნიშვნელოვანია ის, რომ პროგრამით გათვალისწინებული პროექტების განხორციელება მოხდება, როგორც ცენტრალიზებულად მუნიციპალური ფონდის მიერ, ასევე, მუნიციპალიტეტების მიერ და არის მნიშვნელოვანი მონაპოვარი, რომ პროგრამის ფარგლებში უკვე მუნიციპალიტეტებს მასშტაბური პროქტების განხორციელების ეტაპობრივი გამოცდილების შესაძლებლობა ექნება“,- აღნიშნა ქარსელაძემ.

ცნობისთვის, საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე ახალი ინიციატივა წარადგინა, რომლის ფარგლებშიც 63 მუნიციპალიტეტში ურბანული განახლება და მნიშვნელოვანი კულტურულ-ისტორიული მემკვიდრეობის ობიექტების რეაბილიტაცია განხორციელდება.

ირაკლი მელაშვილი - საფრთხე იმისა, რომ ხელისუფლებისთვის ბრძოლა წინა პლანზე წამოვიდეს და ამან შეიწიროს ჩვენი ევროპული პერსპექტივა, ძალიან დიდია - არც ერთ აქტორს არ ეტყობა ქვეყანაში შემცირდეს პოლარიზაცია
ქართული პრესის მიმოხილვა 27.06.2022
თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
კახა ოქრიაშვილი - ივანიშვილის ღარიბაშვილი ქართველი ხალხის 90%-ს დესტრუქციულ ძალას უწოდებს!
საერთაშორისო ფორვარდინგული კომპანია "ტეპკო" განცხადებას ავრცელებს
„მაგნიტის“ მეხუთე გათამაშებაში მოგებული 100 000 ლარი - რა გეგმები აქვს გამარჯვებულ ოჯახს
Bitnet – კრიპტო სტარტაპი, რომელმაც საერთაშორისო დაფინანსება მოიპოვა
დომუსის ახალი, მზიანი და ნათელი საცხოვრებელი კომპლექსი გაზაფხულის ქუჩაზე
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია