20 ივნისის აქციასთან დაკავშირებულ ამნისტიის პროექტზე მხარეებს შორის შეხვედრა პარლამენტში დახურულ კარს მიღმა მიმდინარეობს
პარლამენტში 20 ივნისის აქციასთან დაკავშირებულ ამნისტიის პროექტზე მხარეებს შორის სამუშაო შეხვედრა მიმდინარეობს. შეხვედრაში მონაწილეობს უმრავლესობის ლიდერი ირაკლი კობახიძე. მთავარი დისკუსიის თემაა, როგორ შეიძლება ამნისტიის იმდაგვარად ამოქმედება, რომ მოხდეს აქციაზე დაზარალებულთა ინტერესების სრულფასოვნად გათვალისწინება.
მხარეები ამ კონტექსტში ამბობენ, რომ ამნისტია ე.წ. კონვენციურ მუხლებზე ვერ გავრცელდება.
შეხვედრა დახურულია და მასში მონაწილეობენ პარლამენტის წევრები: უმრავლესობიდან - ანრი ოხანაშვილი, მიხეილ სარჯველაძე და შალვა პაპუაშვილი, ხოლო ოპოზიციიდან - ანა ნაცვლიშვილი, სალომე სამადაშვილი, ხათუნა სამნიძე, ვახტანგ მეგრელიშვილი, შალვა შავგულიძე, ალეკო ელისაშვილი, დავით ზილფიმიანი, ფრიდონ ინჯია, ლევან იოსელიანი.
ამნისტიის პროექტის რეგისტრირება, რითაც ინიცირების პროცესი დაიწყება, დღეს იგეგმება.
This is a modal window.
v-if="article.gallery" v-html="article.gallery"
