სხვადასხვა სამუშაოს გამო, 5 მაისს ელექტრომომარაგება დროებით შეიზღუდება

სხვადასხვა სამუშაოს გამო, 5 მაისს ელექტრომომარაგება დროებით შეიზღუდება, - ამის შესახებ ინფორმაციას კომპანია „თელასი“ ავრცელებს.

მათივე ცნობით, ისნის რაიონში ქსელში გადართვების გამო, 00:00 საათიდან 03:00 საათამდე შეზღუდვა შეეხება: ბერი გაბრიელ სალოსის გამზირის (ნაწილობრივ), დირსიჭალის, მანავის, დოდაშილის, ლობჟანიძის, რიჩარდ ჰოლბრუკის, იუნკერთა, აბრამიშვილის, ჩოლოყაშვილის და სახალხოს ქუჩების მოსახლეობას.

საბურთალოს რაიონში გადაუდებელი სამუშაოების გამო, 11:00 საათიდან 17:00 საათამდე შეზღუდვა შეეხება: იოსელიანის და პოლიტკოვსკაიას ქუჩების მოსახლეობას.

„კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ, აბონენტებს ელექტრომომარაგება აღუდგებათ“, - აღნიშნულია კომპანია „თელასის“ მიერ გავრცელებულ ინფორმაციაში.