ბანკების ასოციაციის პრეზიდენტის ალექსანდრე ძნელაძის განცხადებით, საერთაშორისო მომწოდებლის პრობლემის გამო, გუშინ, საბანკო სერვისებით მომსახურებისას ხარვეზები დაფიქსირდა.

როგორც „ინტერპრესნიუსთან“ ალექსანდრე ძნელაძე განმარტავს, ამ ეტაპზე ბანკებში ყველა სერვისებით მუშაობა აღდგენილია.

„აღდგენილია ყველა სერვისის მიწოდება ბანკომატებში და პოსტ ტერმინალებში. გუშინ იყო შეფერხება, საღამოს 7 საათისთვის დაიწყო და საერთაშორისო მომწოდებლისგან იყო პრობლემა. ვარკვევთ, რა პრობლემა არის. სამწუხაროდ, ამ ეტაპისთვის არ მაქვს ინფორმაცია. 21:30 საათისთვის აღდგენილი იყო ყველა სერვისი ბანკებში. ამ ეტაპისთვის, რაც ჩემთვის ცნობილია სრულად აღდგენილია სერვისების მიწოდება. თუ რაიმე პრობლემები არის, ალბათ ინდივიდუალურია. საერთაშორისო მომწოდებლის პრობლემა იყო, შიდა პრობლემა არ ყოფილა“,- განაცხადა ძნელაძემ.