„სტრატეგია აღმაშენებლის“ ოფისში შეთანხმების დოკუმენტზე ხელმომწერი ოპოზიციონერების შეხვედრა მიმდინარეობს

„სტრატეგია აღმაშენებლის" ოფისში შეთანხმების დოკუმენტზე ხელმომწერი ოპოზიციონერების შეხვედრა მიმდინარეობს.

როგორც პარლამენტის წევრმა სალომე სამადაშვილმა შეხვედრის დაწყების წინ ჟურნალისტებთან განაცხადა, დღევანდელ შეხვედრაზე საპარლამენტო მუშაობის ფორმატზე შეთანხმდებიან.

„დღეს ჩვენი ქვეყნის უახლოესი პოლიტიკური მომავალი დამოკიდებულია იმ შეთანხმების სრულფასოვან შესრულებაზე, რომელიც დაიდო ოპოზიციასა და ხელისუფლებას შორის, ამიტომ, რა თქმა უნდა, ძალიან ბევრი რამე არის, რაც უნდა მოხდეს უახლოეს დღეებში უახლოეს კვირებში, იმისთვის, რომ შეთანხმება განხორციელდეს. ჩვენი საერთაშორისო პარტნიორები ლუპით აკვირდებიან ამ შეთანხმების შესრულებას და ელოდებიან ჩვენგანაც ინფორმაციას, როგორ გვესახება ის გზა, რომ მათ შორის, საპარლამენტო მუშაობის ფარგლებში რა უნდა გაკეთდეს უახლოეს მომავალში შეთანხმების განხორციელებისთვის. ამიტომ ცხადია, ჩვენ ეს ყველაფერი უნდა დავგეგმოთ, უნდა ვიმსჯელოთ და შესაბამისად შევაჯეროთ საერთო ოპოზიციური გეგმები უახლოესი კვირებისთვის.

ჩვენ დღეს ვიმსჯელებთ სწორედ იმაზე, როგორ ვიმუშაოთ ყველაზე უფრო ეფექტიანად პარლამენტში იმიტომ, რომ ვხედავთ, ერთის მხრივ არის გამოწვევა შეთანხმების შესრულება, მეორე მხრივ უმძიმესი სოციალური, ეკონომიკური და ჯანდაცვის კრიზისი ქვეყანაში და ადამიანები ელოდებიან, რომ მათი ხმა და ინტერესები იქნება დაცული საქართველოს პარლამენტში. ამიტომ, ჩვენ უნდა ვიმსჯელოთ ზოგადად ჩვენი საპარლამენტო მუშაობის ფორმატზე იმიტომ, რომ იმედი მაქვს, „ნაციონალური მოძრაობა" შემოუერთდება ამ შეთანხმებას და ოპოზიცია სრულად იქნება წარმოდგენილი პარლამენტში, მაგრამ ამავე დროს სანამ ეს მოხდება, ცხადია არსებობს გამოწვევები, რომელიც ჩვენს რეაგირებას არამხოლოდ საჭიროებს, არამედ რომელზეც რეაგირებასაც საზოგადოება ჩვენგან პირდაპირ ითხოვს", - განაცხადა სამადაშვილმა.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 29.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება