ამირან გამყრელიძე - ინდოეთში ეპიდაფეთქება მხოლოდ ინდური შტამით არ არის გამოწვეული
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ინდოეთში ეპიდაფეთქება მხოლოდ ინდური შტამით არ არის გამოწვეული.
მისი თქმით, ის ე.წ. ორმაგი მუტაცია, რა თქმა უნდა, ინდურ შტამს რასაც ეძახიან არის, მაგრამ ის არის უმცირეობაში, უმრავლესობაში არის ე.წ. ბრიტანული შტამი".
„ძალიან გთხოვთ, ინდურ შტამზე აჟიოტაჟს ნუ შევქმნით, იმიტომ, რომ თვითონ ინდოეთში ძლიერი ეპიდაფეთქება, მხოლოდ ინდური შტამით არ არის გამოწვეული, იქ პრევალირებს ბრიტანული შტამი. ის ე.წ. ორმაგი მუტაცია, რა თქმა უნდა, ინდურ შტამს რასაც ეძახიან არის, მაგრამ ის არის უმცირეობაში, უმრავლესობაში არის ე.წ. ბრიტანული შტამი. ამიტომ ეს შტამები რაღაც დროს ყველა ქვეყანაში გაჩნდება და იქნება. ის ვაქცინები ჯერჯერობით, რაც ვაქცინირდება, მეტ-ნაკლები ეფექტურობით ფარავენ ამ შტამებს“, - განაცხადა გამყრელიძემ.
v-if="article.gallery" v-html="article.gallery"
