„საპარლამენტო საქმიანობის დაწყების პირველივე დღეებიდან რუსთავის მაჟორიტარი ნინო ლაცაბიძე მოსახლეობასთან ერთად აქტიურად აგრძელებს ქალაქ რუსთავზე ზრუნვას“, - ამის შესახებ რუსთავის მაჟორიტარი დეპუტატის ნინო ლაცაბიძის სამაჟორიტარო ბიუროს მიერ გავრცელებულ ინფორმაციაშია აღნიშნული. მათივე ინფორმაციით, ლაცაბიძე აპირებს მუშაობა კიდევ უფრო აქტიურად გააგრძელოს, „უკეთესი მომავლისათვის, რათა ქალაქი კიდევ უფრო დაახლოვოს ევროპულ ფასეულობებს“.

„ვექტორი, რომელიც ერთად ავირჩიეთ წარმატების მისაღწევად სწორი გზაა და თანმიმდევრულად პასუხობს იმ გამოწვევებს, რომელზეც ყოველდღიურად ვმუშაობთ“,- განაცხადა ნინო ლაცაბიძემ.