სოზარ სუბარის განცხადებით, თუ „ნაცმოძრაობა“ პარლამენტში არ შევა, მოხდება ის, რაც მოხდა „ევროპული საქართველოს“ შემთხვევაში, ცალკეული წევრები შევლენ, პარტია კი გარეთ დარჩება

საპარლამენტო უმრავლესობის წევრის სოზარ სუბარის განცხადებით, თუ „ნაციონალური მოძრაობა“ პარლამენტში არ შევა, მოხდება ის, რაც მოხდა „ევროპული საქართველოს“ შემთხვევაში - საკანონმდებლო ორგანოში შევლენ ცალკეული წევრები, პარტია კი გარეთ დარჩება. ამასთანავე, სოზარ სუბარი დარწმუნებულია, რომ „ნაციონალური მოძრაობა“ გადაწყვეტილებას პარლამენტში შესვლის სასარგებლოდ მიიღებს.

„მე ერთი კვირის წინაც, ორი კვირის წინაც, 6 თვის წინაც ვამბობდი, რომ ისინი აუცილებლად შემოვლენ პარლამენტში და შემოვლენ კიდეც პარლამენტში. თუ არ შემოვლენ, მოხდება ის, რაც მოხდა „ევროპული საქართველოს“ შემთხვევაში - ყველა შემოვა და პარტია იტყვის, რომ არ შემოდის. მაგრამ, ამ შემთხვევაში, მოლოდინი მაქვს, რომ ისინი ნამდვილად შემოვლენ და ეს იქნება კიდევ ერთი სირცხვილი, რომ ვერც ერთი მათი წინადადება, ვერც ერთი მათი პრინციპი ბოლომდე ვერ გაიტანეს. რა თქმა უნდა, ისინი შემოვლენ, რადგან მათ ძალიან უნდა შემოსვლა, წინააღმდეგ შემთხვევაში, ჩამოიშლებიან კიდევ უფრო მეტად, ვიდრე დღეს არიან ჩამოშლილები. ჩემთვის არ აქვს მნიშვნელობა, რაზე მოაწერენ ხელს და რაზე არ მოაწერენ, შარლ მიშელის დოკუმენტი მუშაობს და ის, რომ ეს არის ანტიდასავლური ძალა, ეს არაერთხელ დაუდასტურებიათ მათ როგორც თავისი ქმედებებით, ისე მათი განცხადებებით,“- აღნიშნა სოზარ სუბარმა.

იხილეთ ვიდეო:სოზარ სუბარი - „ნაციონალური მოძრაობა“ ნამდვილად შემოვა პარლამენტში, რადგან ძალიან უნდათ, წინააღმდეგ შემთხვევაში ჩამოიშლებიან

კარლ ჰარცელი - მჯერა, რომ 19 აპრილის შეთანხმებით, სულ მცირე, კრიზისის ეს თავი დაიხურა - საბოლოო ჯამში, ეს ახალი ეპოქის დასაწყისია
თენგიზ ფხალაძე - ბაიდენის ადმინისტრაცია „იალტისთვის“ არ ემზადება, ვაშინგტონში კარგად იციან რას მოასწავებს მსოფლიოსთვის რუსეთთან გავლენის სფეროებზე დათანხმება და პოსტსაბჭოთა სივრცეში მისთვის კარტ-ბლანშის მიცემა
ქართული პრესის მიმოხილვა 11.06.2021
ვაჟა ბერიძე - პრობლემა გახარია არაა, პრობლემა ქართველი ხალხია, რომელსაც არც „ოცნება“ უნდა ხელისუფლებაში, მითუმეტეს, ივანიშვილის გარეშე  და არც პრონაციონალური კოალიცია, სააკაშვილით, ან მის გარეშე
მამუკა გონგაძე -  საერთაშორისო  ჩართულობა სიმბოლოების რეფორმას გვიადვილებს
“საერთაშორისო სავალუტო ფონდის" მუდმივი წარმომადგენელი საქართველოში სელიმ ჩეკირი - საპენსიო სისტემას ქვეყნის ეკონომიკისთვის დიდი მნიშვნელობა აქვს
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ხელფასი გათამაშდა