გიგი უგულავა - შევხედოთ გახარიას ცივად და გულგრილად - ის ნებსით თუ უნებლიედ ლურსმანს აჭედებს „ოცნების“ პოლიტიკურ კუბოზე

„ნეოქოც“ გახარიაზე ფოკუსის გადატანა აწყობს მხოლოდ ხელისუფლებაში დარჩენილ „არქიქოცებს“. შევხედოთ გახარიას ცივად და გულგრილად. „ოცნებისთვის“ ის ტროას ცხენივითაა, რომელიც მას 43%-ს ქვემოთ დატოვებს. დანარჩენი რეალურ ოპოზიციაზე იქნება დამოკიდებული. იქნება ერთობა - იქნება გამარჯვება, - ამის შესახებ ოპოზიციონერი პოლიტიკოსი გიგი უგულავა სოციალურ ქსელში წერს.

უგულავას თქმით, „გახარია და გახარიელები ქოცები არიან“.

„რამდენიმე დღის წინ ერთ-ერთმა გახარიელმა ქალბატონმა დეპუტატმა ტელეკამერას თვალი ჩაუკრა. ამ კადრს გახარიას თვალისჩამკვრელი ცნობილი კადრი მოება. ეტყობოდა, რომ ეს ახალი პარტიის ბრენდია, „ფიშკაა". როგორც სჩანს, მათ გულწრფელად სჯერათ, რომ ეს გახარიას მაგარ ტიპად წარმოაჩენს. ბატონმა ქემოკლიძემ უკანასკნელი ეჭვები გაფანტა, თურმე „ოცნების“ პირობებში პოლიტპატიმრები არ გვყოლია, რომ 20 ივნისს პოლიციას ხალხი შემოეცემა, თურმე სასამართლოც თავისუფალი ყოფილა. ფაქტობრივად მანაც „შეფის“ მსგავსად თვალი ჩაგვიპაჭუნა.

არადა, მართლა ანთროპოლოგიური „ქოცი“ უნდა იყო, რომ ვერც იგრძნო, როცა გახარია ხარ სიტყვა თვალი ლექსიკონიდან უნდა ამოიღო, არათუ თვალის პანჭუნით თავს იწონებდე. მინიმუმ ხომ ქვეყნის 2/3 პირდაპირ შეგაგინებს 20 ივნისის გამო, რაზეც მან პასუხისმგებლობა აიღო. ბოლო-ბოლო ბავშვები გახარია-თვალთხარიას მღეროდნენ ქუჩაში. მაგრამ აქ მთავარი სხვაა - ისინი ამას ვერ ხვდებიან და გულწრფელად მოსწონთ თვალის პაჭუნი. ესაა „ქოცობა“, აქეთა საქართველოს, აქაური ტკივილის მიმართ, სრული უცხოობა. მარტივად, ესენი „ქოცები“ არიან და არაფერი უნახავთ „ქოცობის“ მიღმა. შეიძლება უფრო ადამიანური სახე აქვთ, მაგრამ ეს არ ცვლის არსს - გახარია და გახარიელები „ქოცები“ არიან.

ამიტომ არარელევანტურია ქექვა დგას თუ არა ივანიშვილი მის უკან. ივანიშვილი ბოღმა კაცია და შეიძლება ახლა გახარია გულძმარვამდე სძულდეს, მით უფრო სძულთ ის ღარიბაშვილ-კობახიძეს. მათი ბრძოლა ბოღმითა და ღვარძლით იქნება სავსე, ოღონდ ეს იქნება ბრძოლა ბიძინა-მზის ქვეშ უკეთესი ადგილისთვის.

ამავე დროს ჩემი მტრის მტერი ჩემი მტერი არაა. ფოკუსის „ნეოქოც“ გახარიაზე გადატანა აწყობს მხოლოდ ხელისუფლებაში დარჩენილ „არქიქოცებს“. სინამდვილეში, გახარია „ოცნებისთვის“ ტროას ცხენია, რომელიც მას 43%-ს ქვემოთ დატოვებს. ნუ ველოდებით გახარიასგან რაღაც დიად აღიარებებს, მაქსიმუმ რამდენიმე კორუფციული სკანდალი გახეთქოს, ისიც თუ ვინმე მისიანი დაიჭირეს. რომც არსებობდეს ორი პროექტი, ივანიშვილის ძალაუფლება დაეცემა „ქართულ ოცნებასთან“ ერთად. ეს დაცემა იმდენად შთამბეჭდავი იქნება, რომ ვერანაირი მეორე პროექტი ვერ უშველის. შევხედოთ გახარიას ცივად და გულგრილად. ის ნებსით თუ უნებლიედ ლურსმანს აჭედებს „ოცნების“ პოლიტიკურ კუბოზე. დანარჩენი რეალურ ოპოზიციაზე იქნება დამოკიდებული. იქნება ერთობა - იქნება გამარჯვება“, - წერს უგულავა.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი