ევროპის საბჭოს საპარლამენტო ასამბლეის მონიტორინგის კომიტეტის დელეგაცია ფრაქცია "ლელო - პარტნიორობა საქართველოსთვის" წევრებს შეხვდა.
როგორც შეხვედრის დასრულების შემდეგ ჟურნალისტებთან მამუკა ხაზარაძემ განაცხადა, შეხვედრაზე განსაკუთრებული ყურადღება სასამართლო სისტემაზე გამახვილდა.
"ჩვენ მივაწოდეთ ინფორმაცია, რომ შარშანდელი მათი ვიზიტიდან დღემდე არაფერი შეცვლილა სასამართლო სისტემაში, „კლანი“ კიდევ არსებობს და არანაირი წინსვლა არ არის იმის მიუხედავად, რომ არსებობს შარლ მიშელის დოკუმენტი და არსებობს ვალდებულება. ჩვენ თუ არ დავასრულეთ პოლიტიზებული მართლმსაჯულება, ქვეყანა წინ ვერ წაიწევს, არ შემოვა ინვესტიცია და შესაბამისად, არ შეიქმნება სამუშაო. ისინი როგორც ჩვენი ერთგული მეგობრები, ძალიან წუხან იმ პროცესების გამო, რაც ქვეყანაში მიდის", - განაცხადა ხაზარაძემ.