თამარ გაბუნიას განცხადებით, საქართველო „მსოფლიო ბანკისგან“ მიიღებს დამატებით თანხას, რომლის 90%-ზე მეტი ვაქცინის შესაძენად დაიხარჯება
ჯანდაცვის მინისტრის მოადგილის თამარ გაბუნიას განცხადებით, საქართველო მსოფლიო ბანკისგან მიიღებს დამატებით თანხას, რომლის 90%-ზე მეტი ვაქცინის შესაძენად დაიხარჯება.
„მსოფლიო ბანკისგან მივიღებთ დამატებით დაფინანსებას, რომელიც კონკრეტულად მიმართული იქნება ვაქცინების შესასყიდად. ანუ, თანხის უდიდესი ნაწილი, 90%-ზე მეტი მოხმარდება უშუალოდ ვაქცინის შესყიდვას. ასევე არის გარკვეული ნაწილი, რაც დასჭირდება სამედიცინო პერსონალის ტრენინგს, მასიური ვაქცინაციის ცენტრების მოწყობას, დამატებით შპრიცების და დამხმარე საშუალებების შეძენას, რომელიც აუცილებელი იქნება ვაქცინაციისთვის“, - აცხადებს გაბუნია.
