ჯერჯერობით, ეპიდსიტუაცია არ იძლევა საშუალებას, რომ ღია სივრცეებში პირბადის ტარება მოვხსნათ, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ საკოორდინაციო საბჭოს დასრულების შემდეგ ბრიფინგზე განაცხადა.

რაც შეეხება ღამით გადაადგილებაზე დაწესებულ შეზღუდვას, ამირან გამყრელიძემ განმარტა, რომ აღნიშნულ საკითხზე დღეს იყო მსჯელობა, თუმცა დაახლოებით 2 კვირის მანძილზე კიდევ უნდა მოხდეს ეპიდვითარებაზე დაკვირვება და შემდეგ მიიღონ საბოლოო გადაწყვეტილება.

„დღეს იყო მსჯელობა ამ საკითხზე, მიღებულია გადაწყვეტილება, რომ დავაკვირდეთ კიდევ 10 დღე, 2 კვირა სიტუაციას და მერე ვიმსჯელოთ ამ მხრივ რა გადაწყვეტილება იქნება“,- განაცხადა გამყრელიძემ.