როდესაც საქმე ეხებოდა სახელმწიფო უსაფრთხოების თემას, იმ პერიოდში გადადგმული ნაბიჯები პრემიერ-მინისტრის და დღევანდელი მდგომარეობის მოცემულობის, როდესაც ვაშინგტონში ასეთი რეალობა დავინახეთ, რა თქმა უნდა, კიდევ უფრო მეტ არგუმენტს გვაძლევს, რომ ვიყოთ კრიტიკულებიც და კატეგორიულებიც ჩვენ შეფასებაში - ამის შესახებ პარლამენტის თავმჯდომარის პირველმა მოადგილემ, გიორგი ვოლსკიმ განაცხადა, რითაც გამოეხმაურა მედიაში გავრცელებულ ინფორმაციას ვაშინგტონში მიხეილ სააკაშვილისა და გიორგი გახარიას შეხვედრის შესახებ.
"ვუშვებ იმას, რომ შეხვდნენ კიდევაც. დაცვის წევრის შეხვედრა და ერთ სასტუმროში ყოფნა შეიძლება პირდაპირ არ მიუთითებს, მაგრამ საქციელი, გადაწყვეტილებები, გადადგმული ნაბიჯები, პათოსი და განცხადებები, რა თქმა უნდა, მიუთითებს იმაზე, რომ საფუძველი აქვს ჩვენს მოსაზრებებს და პრეტენზიებს ამასთან დაკავშირებით. როდესაც საქმე ეხებოდა სახელმწიფო უსაფრთხოების თემას, იმ პერიოდში გადადგმული ნაბიჯები პრემიერ-მინისტრის და დღევანდელი მდგომარეობის მოცემულობის, როდესაც ვაშინგტონში ასეთი რელობა დავინახეთ, რა თქმა უნდა, კიდევ უფრო მეტ არგუმენტს გვაძლევს, რომ ვიყოთ კრიტიკულებიც და კატეგორიულებიც ჩვენ შეფასებაში" , - განაცხადა ვოლსკიმ.
ცნობისთვის, "რუსთავი 2"- მა გაავრცელა ინფორმაცია, რომ ვაშინგტონში მიხეილ სააკაშვილსა და გიორგი გახარიას შორის კონსპირაციული შეხვედრა შედგა.