ეკა გიგაური - თუ დავინახავთ, რომ ცესკოს თავმჯდომარეობის კანდიდატის შერჩევის პროცესი მიმართულია იმისკენ, რომ „ქართულ ოცნებასთან“ აფილირებული ადამიანი შეირჩეს, პროცესში ბოლომდე არ დავრჩებით

ძალისხმევას არ დავზოგავთ, რომ მაქსიმალურად დამოუკიდებელი და ღირსეული კანდიდატები შევარჩიოთ, როგორც პროფესიულ წევრებად, ასევე ცესკო-ს თავმჯდომარედ, თუმცა თუ დავინახავთ, რომ ეს პროცესი მიმართულია იმისკენ, რომ „ქართულ ოცნებასთან“ აფილირებული ადამიანი შეირჩეს, ამ პროცესში ბოლომდე არ დავრჩებით, - ამის შესახებ „საერთაშორისო გამჭვირვალება - საქართველოს“ ხელმძღვანელმა ეკა გიგაურმა ჟურნალისტებთან, ცესკო-ს თავმჯდომარის ასარჩევად შექმნილ კომისიაზე საუბრისას განაცხადა.

როგორც გიგაური აღნიშნავს, მნიშვნელოვანია ცესკო-ს თავმჯდომარის თანამდებობა დაიკავოს მიუკერძოებელმა ადამიანმა, რომელიც გაუძლებს ზეწოლას, როგორც მთავრობისგან, ასევე ოპოზიციისგან.

„ჩვენ ვართ ამ კომისიის წევრები. ამ კომისიაში ჩვენი პარტნიორი არასამთავრობო ორგანიზაციები, ასევე სხვადასხვა უნივერსიტეტის წარმომადგენლები შედიან. რა თქმა უნდა, ჩვენ ძალისხმევას არ დავზოგავთ, რომ მაქსიმალურად დამოუკიდებელი და ღირსეული კანდიდატები შევარჩიოთ, როგორც პროფესიულ წევრებად, ასევე ცესკო-ს თავმჯდომარედ, თუმცა თუ დავინახავთ, რომ ეს პროცესი მიმართულია იმისკენ, რომ „ქართულ ოცნებასთან“ აფილირებული ადამიანი შეირჩეს, რა თქმა უნდა, ჩვენ ამ პროცესში ბოლომდე არ დავრჩებით. ჯერ იქ ვართ, ვუყურებთ, როგორ განვითარდება მოვლენები, შემდეგ უკვე შევხედავთ რა იქნება და გადაწყვეტილებას მივიღებთ.

ქვეყნის მომავლისთვის, იმის გათვალისწინებით, რომ ჩვენ გვექნება მნიშვნელოვანი ადგილობრივი არჩევნები, მნიშვნელოვანია ცესკო-ს თავმჯდომარის თანამდებობა დაიკავოს მიუკერძოებელმა, დამოუკიდებელმა ადამიანმა, პროფესიონალმა, რომელიც გაუძლებს ყველანაირ ზეწოლას, როგორც მთავრობისგან, ასევე ოპოზიციისგან. ეს ადამიანი არცერთ პარტიასთან არ უნდა იყოს დაკავშირებული“, - აღნიშნავს გიგაური.

ცნობისთვის, საქართველოს პრეზიდენტმა სალომე ზურაბიშვილმა ცესკოს თავმჯდომარეობისა და ცესკოს წევრობის კანდიდატთა შესარჩევი ღია კონკურსის ჩატარებისა და საკონკურსო კომისიის შექმნის შესახებ განკარგულება გუშინ გამოსცა. ცესკო-ს თავმჯდომარემ კი თანამდებობა 1-ელი ივლისიდან დატოვა.

უკრაინაში შედგენილ სასანქციო სიაზე მომუშავე ჯგუფის წევრი სვეტლანა მუსიიაკა - სიაში დღეისთვის 19 ათასი ადამიანია, თუმცა ეს საწყისი ეტაპის სამუშაოა და სანქციებზე საბოლოო გადაწყვეტილება დამოკიდებული იქნება უსაფრთხოების საბჭოსა და შემდეგ უკვე პრეზიდენტზე
ქართული პრესის მიმოხილვა 29.09.2022
ვანო მაჭავარიანი -  თუ ხელისუფლებამ არ იაქტიურა, იყოს უკრაინა-მოლდოვა- საქართველოს სამეულის ნაწილი, ჩვენ აღმოვჩნდებით უკრაინა-მოლდოვას ევროპული და ატლანტიკური მომავლის მიღმა, რაც ქვეყნისთვის კატასტროფა იქნება
„ფარმადეპოში“ თურქული მედიკამენტების ასორტიმენტი გაიზარდა
ბაზისბანკის მხარდაჭერით, ფონდ "ნატვრის ხის" საქველმოქმედო კონცერტი გაიმართა
VISA-ს და „ბიბლუსის“ ერთობლივი შეთავაზება მომხმარებელს - 30%-იანი ფასდაკლება სრულ ასორტიმენტზე
კომპანია FINA-ს წარმატების ისტორია - 11 წელი ბაზარზე
ტერაბანკისა და სააგენტოს „აწარმოე საქართველოში“ ხელშეწყობით, კახეთში სასტუმრო „ისევ ყვარელი“ განახლდა