ჯეიმს აპატურაი - ქართველები ჯიუტები არიან, ქართველები არ ნებდებიან, ისინი წინ მიდიან, სანამ სასურველს არ მიაღწევენ - მჯერა, რომ ქართველების სახლი ჩვენთან ერთადაა

შეგიძლიათ დარწმუნებულები იყოთ, რომ ნატო გააგრძელებს თქვენი ძალისხმევის მხარდაჭერას, რომ იყოთ დაცულები, დაცული იყოს ტერიტორიული მთლიანობა და განაგრძოთ სვლა ნატო-ს კარისკენ და გაიაროთ ამ კარში,- ამის შესახებ ცენტრალურ აზიაში ნატო-ს გენერალური მდივნის სპეციალურმა წარმომადგენელმა ჯეიმს აპატურაიმ განაცხადა.

აპატურაის შეფასებით, საქართველო მიდის ნატო-სა და მისი წევრობისკენ. მისი თქმით, ამ წლების განმავლობაში მან ქართველებზე ერთი უტყუარი რამ გაიგო, რომ ისინი ჯიუტები არიან, აგრძელებენ წინასვლას და ბრძოლას სასურველის მიღწევამდე და „ამ შემთხვევაში სასურველი - დასავლური ოჯახის წევრობაა“.

„მე ვიცი, რომ ზოგჯერ არის ასეთი ნარატივი, რომ ეს არ მუშაობს, ჩვენ ვერ მივაღწევთ იქამდე, ნატო-ში გაწევრიანება არ მოხდება, მაგრამ როდესაც ახლა საქართველოს ვუყურებ ვხედავ, მაღალპროფესიონალურ შეიარაღებულ ძალებს, გაწვრთნილ, გამოცდილ, პროფესიონალურ შეიარაღებულ ძალებს. კარგად ფუნქციონირებად თავდაცვის სამინისტროს, კარგად ფუნქციონირებად დაზვერვის სამსახურს. მე ვხედავ ნატო-ს ობიექტებს საქართველოს ტერიტორიაზე, ყოველდღიურ წვრთნებს. ინსტიტუციონალურ მშენებლობას ყოველ დღე, ამერიკის შეიარაღებულ ძალებს, რომელიც წვრთნებს გადის აქ, ნატო-ს, რომელიც ასევე წვრთნებს გადის აქ. ვხედავ ნატო-ს გემებს, რომლებიც შემოდიან საქართველოს პორტებში. ეს ხდება ყოველდღიურად და ყოველდღიურად საქართველოს შეიარაღებული ძალები მუშაობენ ნატო-ს ძალებთან ერთად და პროცესში ხდებიან უფრო მეტად თავდაცვისუნარიანები და ეხმარებიან საქართველოს წავიდნენ ნატო-სკენ. მე ვიცი, რომ ცვლილება განხორციელდა, ის ახლაც ხდება და ეს მომავალშიც გაგრძელდება და მე გავაგრძელებ ამის მხარდაჭერას.

ასევე, მინდა ყურადღება გავამახვილო, თუ რამდენად ვცემ პატივს და მიყვარს ეს ქვეყანა და ამ ქვეყნის ხალხი. ძალიან ადვილი იქნებოდა სხვა გზის არჩევა, უფრო ადვილი გზის არჩევა, რათა მოგვარებულიყო უსაფრთხოებასთან დაკავშირებული სირთულეები ამ რეგიონში, მაგრამ ქართველებმა გაიზიარეს ჩვენი ღირებულებები, სურთ ევროკავშირისა და ნატო-სკენ სვლა და მე თუ რამე გავიგე ქართველების შესახებ, ეს არის, რომ ქართველები ჯიუტები არიან. ქართველები არ ნებდებიან, ისინი წინ მიდიან, ბრძოლას აგრძელებენ იქამდე, სანამ არ მიაღწევენ სასურველს და ამ შემთხვევაში ეს არის დასავლური ოჯახის წევრობა, არა მხოლოდ ღირებულებების გაზიარებით, არამედ ინსტიტუციურად. მე გავაგრძელებ ამ ძალისხმევის მხარდაჭერას. მე მჯერა, რომ ქართველების სახლი ჩვენთან ერთადაა და თქვენ ჩვენი ოჯახის ნაწილი ხართ, ისევე როგორც ჩვენ - თქვენი ოჯახის. შეგიძლიათ დარწმუნებული იყოთ, რომ მე დავბრუნდები, მაგრამ, ასევე, შეგიძლიათ დარწმუნებულები იყოთ, რომ ნატო გააგრძელებს თქვენი ძალისხმევის მხარდაჭერას, რომ იყოთ დაცულები, დაცული იყოს ტერიტორიული მთლიანობა და განაგრძოთ სვლა ნატო-ს კარისკენ და გაიაროთ ამ კარში,“- განაცხადა აპატურაიმ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით